Diyarname
Ji fînalên Kûpaya Dinyayê de hindik ma. Yekîtiya Federasyona Fûtbolê ya Navneteweyî (FIFA) ragihand ku di çarçoveya têkoşîna bi AIDS'ê re di fînalên Kûpaya Dinyayê de wê bi mîlyonan prezervatîfî belav bike û li hemberî HÎV'ê peyamên agadariyê bişîne.
Maçên Kûpaya Dinyayê îsal li Afrîkaya Başûr, li 9 bajaran tê lîstin. FIFA'yê daxuyaniyeke nivîskî weşand da zanîn ku di meheke ya lîstina maçên Kûpaya Cîhanê de wê navendê medîkal ava bike û ew dê prezervatîvan li temaşevanan belav bikin. Di ekranên ku ewê saz bikin de jî wê agahiyên li ser HÎV'ê bêne pêşkêş kirin.
Li Afrîkaya Başûr ku maç li wê derê wê bêne lîstin, welat xwedî 50 mîlyon serjimarî ye. Ji vê bi 5,7 mîlyon kesî re AIDS heye û ev reqem hejmara herî mezin a li dinyayê ye. Her wiha her roj bi hezaran kes ji ber vê nexweşiyê dimire.