Diyarname
Di Lîga Ewropayê ya UEFA'yê de dema fînalê ye. Du tîmên îngilîz Tottenham û Manchester United (MU) li bajrê Bilbaoyê têne hemberî hev. Maç li gor saeta Amedê saet 22.00'an de li Stada San Mames tê lîstin.
Va ne hin agahî:
- Kûpaya Lîga Ewropayê duyemîn mezintirîn kûpaya UEFA'yê ye. Yekem ya Lîga Şampiyonan e ku 31'ê mehê maça wê ya fînalê heye.
- Ji sala 1971'ê heta 2009'an ev kûpa bi navê "Kûpaya UEFA" li dar diket, ji sala 2009'an de bi avê Lîga Ewropayê li dar dikeve. Herî zêde tîmên Spanyayê ev kûpa girtiye; niha jî Spanya mazûvanî dike.

SPANYOLAN HERÎ ZÊDE EV KÛPA GIRTINE
- Di vê kûpayê de tîmen Spanyayê heta niha 19 caran derkektine fînalê, 14 caran bi ser ketine. Sevilla (7), Atletico Madrid (3), Real Madrid (2), Valencia û Villarrealê ev kûpa girtine.
- Piştî Spanyayê tîmên îtalî herî zêde derketine fînalê. 18 caran derketine fînalê lê karîne 10 caran bi ser bikevin. Juventus (3), İnter Milan (3), Parma (2), Napoli û Atalantayê ev kûpa li ser navê ÎTalyayê girtine.
- Her ku tîmên îngilîz in 17 caran derketine fînalê, karîne 9 caran bibin şampiyon: Liverpool (3), Tottennham (2), Chelsea (2), Ipswich Town û Manchester United.
- Li ser navê Almanyayê Borussia Monchengladbach (2), Eintracht Frankfurt (2), Bayer Leverkusen, Bayern Munih, Schalke 04 ev kûpa girtiye ku dike 7 caran.
- Paşê Hollanda tê: Feyenoord (2), PSV Eindhoven û Ajax her ye carek.
- Tîmên Fransayê di vê kûpayê de 5 caran derketine fînalê lê qet nekarîne bi ser bikevin.

KÎJAN WELAT, ÇEND CARAN BI SER KETIYE?
- Tam bi temamî serketina welatan di vî warî de bi vî rengî ye: Spanya 14, Îtalya 10, Îngilistan 9, Almanya 7, Hollanda 4, Portekîz 2, Rusya 2, Swêd 2, Belçîka, ÛKrayna û Tirkiye her yek carek bi ser ketiye. Fransa, Skoçya, Avustuya, Macaristan û Yugoslavya ligel ku karîne derkevin fînalê jî lê bi ser neketine.

TOTENHAM'Ê 2, MU'YÊ CAREK EV KÛPA GIRTIYE
- Heta niha Tottenhamê du caran, di salên 1972 û 1984'an de ev kûpa biriye mala xwe. Ew ji bo cara sisêyan li sehayê ye.
- MU'yê tenê carek ev kûpa girtiye, di sala 2017'an de. Ewê bixwaze cara diduyan kûpayê bibe mala xwe. Wê çaxê teknîk dîrektorê MU'yê Jose Mourinho bû.
- Buhayê lîstikvanên her du tîman 1,5 mîlyar dolar e. Ji van kadroyê Tottenhamê bi 776 mîlyon û 100 hezar Euro ye, yê MU'yê 693 mîlyon û 250 hezar Euro ye. 
- Îsal di Premier Lîgê de rewşa her du tîman jî xirab e. MU di rêza 16'an de, Tottenham di rêza 17'an de cih girti. Lê her du tîm jî niha li fînalê ne.
- Hakêmê alman Feliks Zwayer dê maçê bi rê ve bibe. Ji heman welatî Robert Kepter û Christian Dietz alîkarê wî ne, hakêmê îtalyan Maurizio Mariani jî hakêmê çaremîn e.
 

Not: Li Tirkiyeyê TRT 1 yekser maçê belav dike