Diyarname

Pêşbaziya Çîrokan a Abdullah Duran ku ji bo bîranîna Abdullah Duranê biçûk ê ku li Amedê hat kuştin tê lidarxistin li benda berheman e. 

7’emîn Pêşbaziya Çîrokan a Abdullah Duran ku ji aliyê Egîtîm-Sena Amedê ve tê lidar xistin îsal jî dest pê kir. Kesên bixwazin heta 30.11.2013’yan divê berhemên xwe bişînin ber destê amadedarên pêşbaziyê. Ji bo çîroka 1’emîn hezar TL, ji bo ya 2’yemîn 750 û ji bo ya 3’yemîn 500 TL dê xelat bê dayîn. Her wiha ji bili van dê xelata mansiyonê jî bidin.

Li gor agahiyên ku amadekarên pêşbaziyê pêşkêş kirine şertên pêşbaziyê ev in:

• Zimanê pêşbirkê kurdî (kurmancî, kirdkî) û tirkî ye.

• Çîrok dê ji hêla bikaranîna zimên, wêjeyî, tevin û nirxên mirovane bêne nirxandin.

• Ji hêla mijarê (tema) ve beşdar serbest in.

• Dibe ku ji bo zarokan an jî ji bo mezinan hatibin nivîsandin.

• Divê çîrok bi hêsanî bêne xwendin û heke pêkan be bi riya internetê, yan bi flaş dîskê bigihin ber destê me.

• Divê çîrok berî 30.11.2013’an bigihine ber destê me.

• Çîrokên ji bo pêşbirkê bigihin ber destê me, li xwediyên xwe nayên vegerandin û mafê Eğitim- Sen Şaxa Amedê heye bi her awayî wan çap bike.

• Li gorî derfetan, çîrokên xelatwergirtî dê çap bibin û dê bêpere li gel bêne belav kirin.

• Di çîrokan de sînorkirina rûpelan tuneye lê çîrok divê li gorî formata çîrokê bin.

• Beşdar, di her zimanekî/zaravayekî de, tenê bi çîrokekê dikarin beşdar  bibin.

• Divê berhem li tu deverê nehatibe çapkirin.

• Encama pêşbirkê dê di 14.03.2014’an de aşkere bibe.

• Merasîma xelatan dê di 28.03.2014’an de pêk were.

Her wiha di beşa juriya kurdî (kurmancî) de Omer Dilsoz, Mehmet Dicle, Lokman Ayebe, Îsmail Dindar û Berken Bereh, di beşa kurdî (kirmanckî) de Cafer Yamiş, Heyder Diljen, Suleyman Yilmaz, Mahmut Yoruk û Muzaffer Ozdemir hene. Her wiha di beşa juriya tirkî de jî Yavuz Ekinci, Murat Ozyaşar û Kemal Varul hene.

Ji bo kesên eleqedar navnîşan, telefon û e-mail:

Navnîşan: Eğitim Sen Diyarbakır Şubesi Kalender Center Kat:6 No:9 Yenişehir-Diyarbakır

Tel: 0412 2232754- 0505 4823050- 0533 6358652

E-Mail: abdullahduranoyku@hotmail.com