Diyarname
Gerînendeyê Weşanê yê berê yê Hurriyetê Ertugrul Ozkak li Parîsê çû ser gora Ahmet Kaya.
Dema Ozkok gerînendeyê Hurriyetê bû manşetek dijî Ahmet Kaya weşandibû û pêre Kaya mecbûr mabû derkeve derveyî Tirkiyeyê. Û Kaya careke din nekarî vegere Tirkiyeyê, li wê derê jiyana xwe ji dest da.
Ozkok ji bo bernameyeke çûbû Parîsê û çû serdana Ahmet Kaya jî. Ozkok di quncikê xwe yê Hurriyetê de (19.06.2011) wisa nivîsî:

Min helalî xwest lê êdî mimkûn nebû

Gula ku li ber derî min girtibû min danî ber berkoleyê.
Du diayên ku min dizanîn hebûn. Min ew xwendin.
Û min bi wî re xeber da.
Ezê qet qal nekim ku min jêre çi got.
Her tiştê ku divê min bigota, min got.
Min xwest em heqê xwe helal bikin lê êdî ne mimkûn bû.
Zêde mafê min tune bû ez helal bikim. Min dixwest ew heqê xwe helal bike lê êdî dereng bû.
Hestê min çi bû? Xwesûcdar hîskirin?
Na..
Armanceke min ku guneyên xwe daweşînim jî nûn bû.
Ji ber ku, di ferhenga min de "bi zanebûn xirabî li yekî/ê kirin" nanivîse.
Ger tiştên ji nezanî hatibin kirin, helbet hene.
Ger hin bi keviran min ricim bikin, bila kevirê yekemîn kesê/a gunehê wî/ê yên ji ber manşetê nîn bin bavêje.
Hestên min wisa bûn lê dibe ku di dilê wî de hestên din hebin.
Ez dibêjim xwezî, xwezî dema ew dijî min ev axaftin bikira...