Amed

Gel ji bo protestokirina avakirina avahiyên ligel qereqola Hezan a girêdayî navçeya Licêya Amedê meşiyan. Leşkeran gula ber damn gel û di encamê de kesek hat kuştin û 10 jî birîndar hene.

Îro gundiyên Licê ber bi qerepolê ve meşiyan. Gelê ku gihîşt cihê ku avahiyan saz dikin, agir berda 3 konên karkerên ku di çêkirina avahiyan de dixebitin û paşê ber bi qereqolê ve meşiyan.

Piştî ku gel ji herêmê veneqetiya, leşkeran gel gule baran kir. Di encama gulebaranê de kesekî bi navê Medenî Yildirim jiyana xwe ji dest da û 10 kes jî birîndar bûn. Li gor agahiyên ku hatin 3 kes bi guleyan birîndar bûne, bi giştî 9 kes rakirine nexweşxaneyê Zanîngeha Dîcleya Amedê.

Medenî Yildirimê ku hat kuştin, cenazeya wî rakirine morgê.

Navê hinek birîndaran wiha ye: Salih Bedirhan, Remezan Çakir, Veysî Ozmen, Mehdî Aslan û Ronîda Pervaneya (16 salî).

Digel ku leşkeran gule bi ser gel de barandin jî gel ji herêmê veneqetiya û bi keviran bersiva leşkeran da. Piştî bûyer mezin bû, Fermandairya Alaya Cendirmeyan a Bajar û Fermandariya Alaya Lîceyê wesayîtên zirxî û leşker şandin herêmê. Hat gotin ku tevgera tîmên taybet jî şandine herêmê.

Bi bihîstina bûyerê re Hevseroka BDP’ê Gultan Kişanak û Hevseroka KCD Aysel Tugluk jî di nav de gelek rêveber û enrdamên BDP û KCD'ê ber bi Licê ve ketin rê.

Ji bilî heyeta BDP’ê û KCD, nûnerên baroya Amedê, Odeya Tabîban, Şaxa ÎHD'a Amedê, Mazlûm-Der, Odeya Bazirganî û Sanayî jî di nav de rêxistinên sivîl çûn Licê. Nûnerên Saziyên Civaka Sivîl, li cihê bûyerê hûrkolîn pêkanîn.