Qamişlo
Kampanaya alîkariyê ku ji aliyê saziyên civakî û partiyên siyasî yên bakurê Kurdistanê ve ji bo rojavayê Kurdistanê hatibûn dest pê kirin, didomin. Di çarçoveya kampanayê de îro beşa 7'an a alîkariyê gihîşt bajarê Qamişlo.

Alîkariyên ji Şirnex, navçeyên wê Cizîr û Silopî, navçeyên Kerboran, Nisêbîn û Dêrika Çiyayê Mazî ya Mêrdînê, navçeya Farqînê ya Amedê û Êlihê hatibûn ji Deriyê Sînor ê Nisêbînê re derbasî Qamişlo hatin kirin. Alîkariyên bi 20 wesayîtan hatibûn, ji aliyê Heyva Sor a Kurd, Komîteya Xizmetan a Desteya Bilind a Kurd û Meclisa Gel a Qamişlo ve hatin wergirtin.

Piştî ku li bakurê Kurdistanê kampanyaya alîkariyê hate destpêkirin û bi zora gel deriyê sînor ê Nisêbînê hate vekirin, ev bû cara 7'an ku alîkariyên Bakur derbasî Rojava dibin.