Enqere

Di hevdîtinên ku ji bo rakirina destnedanên parlamenterên HDP'ê li Komîsyona Zagona Bingehîn ya Meclisê tên dîtin de, wekîlên AKP'ê êrîşê HDP'iyan kirin. Serokwekîlê Koma HDP'ê Îdris Baluken ê ku ji hêla AKP'iyan ve hedef hat girtin, rakirin nexweşxaneyê. 

Pêşnûmeya Zagona Bingehîn ya ku tê xwestin destnedana li ser parlementerên HDP'ê bê rakirin û HDP'ê ji meclisê bavêjin, îro cara duyemîn kombûn çêbûn. Di kombûnê de şer derket. Piştî Wezîrê Edaletê ê Tirkiyeyê Bekîr Bozdag îdîa kir ku berpirsê bûyerên berî du rojan qewimîn HDP ye, nîqaş derket. HDP'iyên ku nerazîbûn nîşanî vê yekê dan, diyar kirin ku bûyer ji hêla wekîlên AKP'ê ve pêk hatine. Di vê navberê de Parlamenterê AKP'ê yê Stenbolê Mehmet Metîner êrîşê Parlamenterê HDP'ê Garo Paylan kir. Li ser vê êrîşê şerê di salonê de gur bû.

Piştî pevçûn mezin bûn, AKP'iyan êrîşê wekîlên HDP'ê kirin û di wê navberê de Serokwekîlê Koma HDP'ê Îdris Baluken ket erdê. Piştre wekîlên AKP'ê demek dirêj Baluken li erdê dan ber pihînan. Mebûsên HDP'ê Baluken girtin û rakirin nexweşxaneyê. Hat gotin ku milê Baluken ji cih derketiye..