Diyarname
Weşanxaneya Avesta ji bo rojavayê Kurdistanê kampanyaya pirtûkan da dest pê kirin. Di çarçoveya kampanyayê de Weşanên Avesta dê ji pirtûkên xwe hezar pirtûkî bişîne. Li ser vê, li Qoserê jî Kadîn Pirtûk û Kovarê piştgirî da kampanyayê û ew jî pirtûkan dide ser hev. Xwediyê Weşanên Avesta Abdullah Keskin dibêje: "Dezgehên sivîl, demokratîk û kulturî gere xebatên wisa bikin."
Li rojavayê Kurdistanê kurd ji her alî ve dixwazin pergala xwe saz bikin. Di warê perwerdehiyê de jî gavên girîng avêtine lê pêdiviya wan di heman demê de bi materyalan heye. Di rewşeke wisa de Weşanên Avesta kampanyaya şandina pirtûkan da dest pê kirin. Avestayê bi diruşma "Rojava ne bi tenê ye, zarok û mamosteyên kurd li hêviya alîkariyê ne, îro nebe kengê?" daye dest pê kirin û ragihand ku ew dê ji pirtûkên xwe hezar pirtûkî bişînin rojavayê Kurdistanê. Her wiha navên pirtûkên ku dê bişînin jî weşand. Piştî vê yekê li Qoserê jî Kadîn Pirtûk û Kovar ragihand ku ew jî piştgirî didin vê kampanyayê, ewê jî pirtûkan kom bikin û ji bo gelê rojavayê Kurdistanê bişînin.
Xwediyê Weşanên Avesta Abdullah Keskin li ser kampanyayê ji bo me got ku bi taybetî pirtûkên bi kêr bên, yên li ser ziman, dîrok û hwd dê bişînin. Keskîn, balê dikişîne ser rewşa rêveberiya Tirkiyeyê ku piştgirî dide "Artêşa Azad a Sûriyê" û dibêje, "Ew bombe dişînin, em pirtûkan."
Keskin dibêje "Li rojava problemên heyatî hene lê perwerdehî jî muhîm e" û wisa didomîne: "Ger em bi rastî dixwazin kurdî bibe zimanê jiyanê û perwerdehiyê divê em piştgirî bidin hewldana wan. Bingehek wisa di salek du salan de çêbibe dê baş be. Me gavek avêt, me got emê hezar pirtûkên xwe bişînin. Lê ji bo xebateke wisa divê însiyatîf çêbin. Ji bilî lîsteya me, kesên bixwazin bixwazin pirtûkan bişînin li Stenbol û Amedê dikarin bînin li cihê me deynin em ragihînin wir. Li Qoserê dikarin teslîmê Kadîn Pirtûk û Kovarê bikin. Ev gava me tiştek eşkere û însanî ye."
Abdullah Keskîn dibêje, gere dezgehên kurdan, ên sivîl, demokratîk û kulturî bikevin nav xebateke wisa û van gotinan lê zêde dike: "Bi tiştên wisa biçûk kurd hînê alîkarî û hevkariya hev dibin. Cihên din jî kampanyayên wisa bêne dest pê kirin emê alîkariya kampanyayên wisa bikin."
Lîsteya pirtûkan ku Avestayê ragihandiye ku dê bişîne wisa ye:
- Elfabêya Min / Celadet Alî Bedirxan, 50 heb
- Bingehên Gramêra Kurdmancî / Celadet Alî Bedirxan, 50 heb
- Ferheng (Kurdî – Kurdî) Celadet Alî Bedirxan, 50 heb
- Serpêhatiyên Tom Sawyer / Mark Twain, 50 heb
- Conî û Cimêma / Bryan Guinness, Celadet Alî Bedirxan, 50 heb
- Elfabeya Min / Kamiran Alî Bedirxan, 50 heb
- Şerefname / Dîroka Kurdistanê, Şerefxanê Bedlîsî, 50 heb
- Dîroka Kurd û Kurdistanê / Mihemed Emîn Zekî Beg, 50 heb
- Di xewnan de jî ez ê zimanê xwe winda nekim / Sechu Sende, 50 heb
- ...Û ronahî di tariyê de dibiriqe / Tolstoy, 50 heb
- Bîreweriya Laş / Ehlam Misteğanmî, 50 heb
- Li ba me li wan deran / Migirdîç Margosyan, 50 heb
- Alfabe / Mustafa Uzun, 20 heb
- Newroz / Mustafa Uzun, 20 heb
- Azadî / Paul Eluard, 20 heb
- Of of / Şukran Çaçan, 20 heb
- Qesra Spî / Mûrad Dildar, 20 heb
- Mîrzayê Piçûk / 20 heb
- Bîra Rûyê Min / Metin Kaygalak, 20 heb
- Sirûda baranê / Bedir Şakir el Seyyab, 20 heb
- Qetran / Dost Çiyayî, 20 heb
- Şewq û Payiz / Fatma Savci, 20 heb
- Payiz û Ba / Şikoyê Hesen, 20 heb
- Mirina Rojê / Jîla Huseynî, 10 heb
- Qehweyek li gel Wî / Kejal Ahmed, 10 heb
- Bayê Bakur / Axîn Welat, 10 heb
- Bîra Birînê / Fatma Savci, 10 heb
- Bûka Baranê / Gulîzer, 10 heb
- Şevname / Gulîzer, 10 heb
- Gunehên Xweşik / Vînos Fayîq, 10 heb
- Şevek bi Şeytên re / Nahîd Huseynî, 10 heb
- Ber Êvarî / Jana Seyda, 10 heb
- Keçên Dêrikê yên Serserî / Xelat Ahmed, 10 heb
- Xewnên Zîvîn / Fatma Savci, 10 heb
- Şev Şahid e / Selwa Gulî, 10 heb
- Bênder / Diya Ciwan, 10 heb
- Medûsa / Dîlber Hêma, 10 heb
- Kes Tunebû / Bêrî Bihar, 10 heb
- Derî / Yildiz Çakar, 10 heb
- Ristika Morîkan / Fatma Savci, 20 heb
***
REKLAM
Kovareke nû bi navê DîWAR derdikeve
Ji bo têkiliyê:
www.kovaradiwar.com
peywendi@kovaradiwar.com
Dîwar
Friedhofstr. 19
64401 Gross-Bieberau
Germany
Ji bo nûçeyê LOGO'yê bitikînin