DiyarName.Com

Pirsa rojê: Kî derenwan dike?

Gelo Serokwezîrê Tirkiyeyê Erdogan yan Wezîrê Edaletê yê Tirkkiyeyê derewan dike? Fermo bersiv:

Dîrok: 31/10/2012

Diyarname
Gelo Serokwezîrê Tirkiyeyê Erdogan yan Wezîrê Edaletê yê Tirkkiyeyê derewan dike? Fermo bersiv:

Serokwezîr Erdogan:
Nîvrokî, cih Almanya. Serokwezîrê Tirkiyeyê Recep Tayyip Erdogan digel Serokwezîra Almanyayê Angela Merkel civîna çapemeniyê li dar dixe. Erdogan li ser grevên birçîbûnê ku li girtîgehan îro di roja 50'ê de bû wisa dibêje: "Ez meseleya greva birçîbûnê yan jî rojiya mirinê ya li Tirkiyeyê eşkere bikim. Li Tirkiyeyê tenê kesek di çalakiya rojiya mirinê de ye. Lê endamên partiya siyasî ku ji wan re dibêjin bimire, kebabê dixwin. Niha greve birçîbûnê û her wekî din, tiştek wisa nîn e. Ev bi temamî şov e. Min bi taybetî wezîrê xwe şand girtîgehê, çû mêze kir. Niha jixwe ji nîvî zêdetir daxwazname dane û dest ji vî karî berdane."

Wezîr Ergîn:
Saet piştî nîvro li dor 14'an... Wezîrê Edaletê yê Tirkiyeyê Sadullah Ergin bi Wezîra Edelatê ya Almanyayê Sabine Leutheusser-Schnarrenberger re hevdîtin pêk anî û piştî hevdîtinê daxuyanî da çapemeniyê. Li ser pirsa grevên pirçîbûnê ya rojnamegeran wisa got: "Niha li 66 girtîgehan 683 kes di greva birçîbûnê de ne. Ji grevan yek jî ne bi rewşa girtîgehê re eleqedar e, daxwaz hemû siyasî ne. Bi temamî li ser mijarê ku divê siyaset nîqaş bike ye. Ez dixwazim bibêjim ku ez li bendê me dawî li vê çalakiyê bînin."

Niha hûn bersiva pirsa rojê "kî derewan dike" bidin...

***

Nûçeyên eleqedar:

- Demîrtaş: Em dixwazin Ocalan bê Amedê

- Çalakiyên îro li her derê didomin

- Karîkaturîstê brezîlyayî çalakiya birçîbûnê xêz kir

- Polîsên rêveberê BDP'ê bi giranî birîndar kir

- Mebûsên jin ên BDP'ê dest bi greva birçîbûnê kirin

- Mîtînga Batmanê bi beşdariya 10 hezaran dest pê kir

- Komeleya Nivîskaran: Bila her kes pêşî li mirinan bigire

- Baydemir diçe cem TUSÎAD û Yaşar Kemal

- Şivan Perwer: Li hemberî greva birçîbûnê bêdeng nemînin