Diyarname
Xwediyê Şîrketa Lêkolînê A&G Adil Gur ji bo rojnameya Akşamê encama dawî ya anketa wan a li ser hilbijartinê axivî.

Vane hin gotinên Gur:
- BDP'ê bendava hilbijartinê ya sedî 10 derbas kiriye.

- Ev pêvajoya dawî bi kêrî BDP û MHP'ê tên. Her duyan 3-4 pûanên xwe zêde kirine. Yanê partiyên neteweperest... Ev yek dê her wisa bidome yan na emê di demên pêş de bibînin lê li vir tiştek balkêş heye zêdebûna dengên BDP'ê ye. Dengên BDP'ê ber bi paş ve dê neçin. Îro MHP li gor dengên xwe yên hilbijartina 2011'an sê çar pûan li pêş e. BDP jî wisa dixuye. Helbet BDP ji ber ne wekî partî bi serbixweyan beşdar bû dikare pirsa çiqas dengên wê ne lê beşeke mezin a ew dengên serbixweyan ên BDP'ê ne.

- BDP ku heta niha dengên hilbijarên Rojhilat û Başûrêrojhilat, ji kurdên Mêrdin û Edeneyê deng digirt êdî îro dengên kurdên ku li rojava dijîn jî digire.

- Ez bi taybetî li ser disekinim û dibêjim: Di hilbijartina 2014'an de emê bi awayekî zelal di dengên ku BDP digire de vê yekê bibînin. Pirsgirêka BDP'ê ya bendavê dê çênebe.

Her wiha Gur li ser Zagona Bingehîn a nû ku partiyên siyasî dikin çêbikin jî wisa dibêje: "Heta sala 2015'an ez ne bawerim Zagona Bingehîn a nû bê sazkirin. Dê bimîne piştî hilbjartina giştî ya 2015'an.