Amed
Komîsyona Rêveberiyên Herêmî ya DEM Partî der barê 4 hevşaredarên navçeyên Amedê de biryara "ji bo demekê dûrxistinê" girt. Ev biryar ji bo mehekê derbas dibe. 

Hevşaredarên Yenîşehîra Amedê Safiye Akdag û Mehmet Ergun, Hevşaredarê Pîranê Haci Akengin ji bo mehek ji peywirê hatin dûrxistin. Îdîa ew e ku li gor dîsîplîna partiyê tevnegeriya ne. Ligel van wekî hevşaredara çarem hatibû gotin ku Hevşaredara Hênê Besile Narîn jî peywirê hatiye dûrxistin, lê Narîn daxuyanî daye çapemeniyê û gotiye tiştek wisa nîn e, ew li ser karê xwe ye.
Çapemeniya Amedê ev nûçe belav kir. Lê di heman demê de rayedarên Yenîşehîrê gotiye ku hevşaredarên wan nehatine dûrxistin, ew niha destûra xwe ya salane bikar tînin.

BIRYERÊN BERÊ
- Hevşaredarê Tetwanê Mumin Erol 30'ê tîrmehê ji bo demek ji kar hatibû dûrxistin, hê jî ev biryar didome.
- Hevşaredarê Amedê Dogan Hatun roja 20'ê tîrmeha 2026'an ji peywira xwe îstîfa kiribû.
- Heta niha Hevşaredara Silopî Jiyan Ormanli, Hevşaredarê Bîrecîkê Mehmet Begit, Hevşaredarê Qoserê Zeyni İpek û Hevşaredara Hezexê Turkan Kayir ji partiyê hatibûn avêtin ku sedem wekî "li gor rêziknameya partî û rêgezên partiyê tevnegeriya ne" hatibû nîşandayîn.