Diyarname
Kûpaya Cîhanê ya 2026'an 11'ê mehê dest pê dike. 19'ê meha pêşiya me wê bi dawî bibe.
Va ne hin notên derketine pêş.
- Cara yekê ye 48 tîm beşdarî tûrnûvayê dibin. Heta niha 32 tîm bûn.
- Bi zêdekirina hejmara beşdaran re tîmên welatên Giravên Cabo Verde, Curaçao, Urdun û Ozbekistan cara yekê beşdarî tûrnûvayê dibin.
- Maça yekê li Stada Mexico City tê lîstin; Meksîka û Afrîkaya Başûr bi hev re dilîzin. Maç saet 22.00'an de ye.
- Ev Stada Mexico City ev cara 3'yan e ji bo maça destpêkê ya tûrnûvayê mazûvanî dike ku di vî warî de li dinyayê tekane stad e 3 caran ji bo maça destpêkê mazûvanî dike.
- Di sala 1970'yî de Meksika û Yekîtiya Sovyetê li vir hatin hemberî hev (0-0), di sala 1986'an de Îtalya û Bulgaristan hatin hemberî hev (1-1). Û niha cara sisêyan du tîm wê bên hemberî hev.
- Li aliyê din; Di sala 1970'yî de Pele yê Brezîlyayî kûpa li vir girtibû û tîm bûbû şampiyon. Di sala 1986'an de Maradona li vir "gola sedsalê" avêtibû.
- DYA, Meksîka û Kanada bi hev re mazûvanî dikin.
- Bi giştî li 16 stadan, 104 maç wê bêne lîstin. Ji van 78 maç li DYA'yê, maçên din li her du welatên din dê bêne lîstin. Ji van 16 stadan, stada herî mezin ya Stada Dallasê ye ku cihê 94 hezar kesî lê heye. Stada herî biçûk jî ya li Torontoyê ye ku cihê 45 hezar kesî têde heye.
- Maça fînalê 19'ê meha pêşiya me li Stada New Jersey a li New Yorkê tê lîstin. Li stadê cihê 82 hezar û 500 kesî ye.
- Kûpaya Cîhanê FIFA organîze dike. FIFA'yê di sala 2022'yan de ji tûrnûvaya li Qetarê 7 mîlyar dolar pere kar kir. Ji vê kûpayê li bendê ye 11 mîlyar dolar kar bike.
- Spanya, Fransa, Îngilistan, Arjantîn, Brezîlya tîmên ku derdikevin pêş in...
Nûçeyên Eleqedar:
- Kûpaya Cîhanê wê çawa bidome?
- Diyarnameyê ji Grokê pirsî, wê di Kûpaya Cîhanê kîjan welat bi ser bikeve?
- Di nav gengeşiyê de tîma Îranê çû Kûpaya Cîhanê
- DYA'yê golavêjê Iraqê girt bin çavan
- Fotoyê rojê ji Norwecê hat: Vîkîngên sedsala 21'ê!
- Ji dîroka Kûpaya Cîhanê hin agahiyên balkêş
.jpg)
.jpg)
