Diyarname
Koreya Bakur piştî 5 salan destûr da tûrîstên ji welatên rojava werin welatê wan.

Di rêbendana 2020'i de Serokê Koreya Bakur Kim Jong Un biryara qedexekirina tûrîstan ji bo welatê wan dabû.  Ji wê demê ve ji welatên derve qet tûrîst neçûbîn Koreya Bakur. Tenê par ji bo komek turîstên rus, ew jî bi biryareke taybet dabû wan û ew kom çûbûn Koreya Bakur. Ji bilî van ev 5 sal in qet tûrîst neçûne vî welatî. 
Berî pandemî ji bo Koruya Bakur karê tûrîzmê gelek baş bû û ev yek ji bo wan dahatek baş bû.
Niha rêveberiya welat derî vekir lê tenê ji bo herêmek; Herêma Rason ku qorziyeke dûr a welat e ji bo tûrîstan hat vekirin.
Kompaniya tûrîstê Koryo Tours ji bo rojên 20-24'ê vê mehê komek tûrîst li vê herêma welat kirin mêvan.
Heramê ku ji bo tûrîzmê niha hatiye vekirin li ser sînorê Rusya û Çînê ye. Di sala 1990'î de herêma Rason li Koreya Bakur wekî herêma taybet a aboriyê ya pêşî hat qebûlkirin. Li vê derê bênderek heye ku zivistanê jî cemed nagire û kar dike. Ji vir heta Rusyayê rêyên hesinî hene.
Li gor agahiyên hatine belavkirin di meha pûşpera îsal de li nêzî qeraxa Wonsanê dê bajarokek bê avakirin. Lê hê nayê zanîn ji bo tûrîstan dê vekin yan na.