Diyarname
Xelata Wêjeyê ya Nobelê ya 2012'yan da nivîskarê çînî Mo Yan. Mo Yan ku her rastî sunsurê hatiye wekî nivîskarên herî navdar ê Çînê tê nasîn.
Mo Yan ku nivîskarê roman û çîrokan e, ew bi xwe qebûl dike ku bandor ji nivîskarê amer3ikî William Faulkner girtiye. Yan bi vê xelatê dê 1.2 mîlyon dolar pere bigire.
Mo Yan di sala 1955'an de hatiye dinê. Gelek caran rastî sansurê hatiye û hin caran jî ji ber vê yekê bi awayê konsarî xwe gihandine xwendevanan.
Mo Yan di sala 1987'an de bi du pirtûkên xwe îlham da fîlmê "Red Sorghum" û bi vê jî li Ewropa û DYA'yê bû navdar.
Her çiqas Mo Yang li Çînê rastî sunsurê hatibe jî ew li hemberî welatê xwe tu gotinan nake. Dema Çîn mêvanê Fûara Pirtûkan a Frankfûrtê bû Mo Yan li cem nivîskarên muxalîf Dai Qing û Bei Ling rûneniştibû. Dema jê 11 sal cezaya ku li parêzvanê mafên imrovan û entellektuelê çînî Liu Xiaobo tê pirsîn, ew dibêje ku di vî warî de zêde tiştek nizane û tiştekî ku bibêjî tune ye. Tê gotin ku gel ji Mo Yan hez nake.
Par nivîskarê swêdî helbestvan Tomas Transtromer Xelata Wêjeyê ya Nobelê girtibû.
Şîrketa îdîayê ya herî mezin a dinyayê Ladbrokes îdîa kiribû ku berendamê herî mezin ê Nobelê Îsal Haruki Murakamî ye, lê ev texmîna wan rast derneket û Mo Yan xelat girt. Ji bilî van, di nav kesên ku herî zêde navên wan ji bo Xelata Nobelê ya Wêjeyê derbas dibûn de nivîskarê ji Sûrî Adonis, nivîskarê hollandî Cees Nooteboom, nivîskarê brîtanyayî Ian McEwan û nivîskarê gotinên stranan Bob Dylan hebûn.