Diyarname
Îro dora duyemîn a hilbijartina serokomarî ya Fransayê hebû. Li gor agahiyên ne fermî yên ku hatine belavkirin serokomarê niha Emmanuel Macron bi ser ketiye.
Dora yekemîn a hilbijartinê 10”ê mehê li dar ketibû û her du berendamên herî zêde deng girtibûn Emmanuel Macron û Marine Le Pen bûbû yekemîn û duyemîn û mafê derbasbûna dora duyemîn bi dest xistibûn. Ew hilbijartin îro li dar ket.
Va ne agahiyên ji îro:
- Serjimariya Fransayê 67 mîlyon e û ji van 48.7 mîlyon hilbijêr ji bo hilbijartina serokomarî çûn deng dan.
- Dengdanê saet 08.00’an de dest pê kir û 20.00’an de bi dawî bû.
- Sedî 71.8 beşdarî di hilbijartinê de çêbûye. Ji sala 1961’ê ve heta niha ev beşdariya herî bilind e.
- Li gor encamên ne fermî Macron sedî 58 deng girtine û hatiye hilbijartin.
- Le Penê sedî 42 deng girtine. Ev yek ji bo wê serketineke mezin e û di axaftina xwe ya pêşî de ev yek wekî serketin bi nav kiriye û gotiye ku ew dê ji bo hilbijartina di meha pûşperê de bixebite.
- Serokê Konseya Yekîtiya Ewropayhe Charles Michel piştî agahiya hate belavkirin got, “Em dikarin 5 salên din bawerî bi Fransayê bînin.”
- Macronê 44 salî di dîroka Fransayê de bû sêyemîn serokomar ku ji bo cara diduyan tê hilbijartin. Berî wî François Mitterrand û Jacques Chirac du caran ji bo serokomarî hatibûn hilbijartin.
- Zagona Bingehîn roja 27’ê mehê dê encamên fermî belav bike.
- Macron di hilbijartina 2017’an de bi sedî 66.06 hatibû hilbijartin. Le Pen jî sedî 33.9 girtibû.
***
Nûçeyên Eleqedar:
- Li Fransayê hilbijartin li dar ket, va ne encamên pêşî
- Fransa de kînga weçînayiş virazêno û go sebo?