Diyarname
Yek ji rêveberê PYD'ê Aldar Xelîl beşdarî kanala Ava bû û qala peymana li ser Taxên Şêx Meqsûd û Eşrefiyeyê hatibû girêdan kir.
Li ser pirsa pêşkêşvana kanalê Surya Hasarî ya wekî "Çima we berî şer ew rêkeftin nekir ku ev xelk eware nebin?" Xelîl wisa got, "Wekî tê zanîn 1'ê Avrêlê de rêkeftin çêbû. Li gor rêkeftinê biryar bû Meclisa van taxan hebe, ev meclis karê xwe bi rê ve bibe. Dido, asayiş, yanê ewlehiya hundirîn a van taxan ji xelkê wê derê be.Ev ewlehiya hundirîn têkiliya wê bi beşên ewlehiya hundirîn a Sûriyeyê, yên bi Helebê re be. Û ev kar wisa dihat meşandin. Pirsgirêk tune bû. Carinan pirsgirêkên rojane, yek tê girtin, yek tê berdan, evana li hemû welatan çêdibe.Hêzên giran, çekên giran tune bûn."

Yek ji Serfermandarên HSD'ê Sîpan Hemo jî li ser meseleyê wisa axivî bû:
"Di dema me xeber dide, ez nav nadim, rayedarekî dewletê ket hundir. Mêze kir civîn baş derbas dibe, berpirsê îstîxbaratê û Wezîrê Parastinê girt cem xwe û derket derve. Dema vegeriyan gotin, "Niha em daxuyanî nadin. Em vê bihêlin 7 an 8'ê mehê."

Ji bo dewama wê hevpeyvînê:
- Kî hevdîta HSD û Şamê têk bir, Sîpan Hemo eşkere dike