Diyarname
Berdevkê Sekreterê Giştî yê Neteweyên Yekbûyî (NY) Stephane Dujarric li ser erîşa li taxên kurdan ên Helebê metirsiya xwe anî ziman û got ku divê Peymana 10'ê Adarê bê bi cih anîn.
Dujarric di civîna çapemenî ya rojane de li ser êrîşên komên girêdayî Hikumeta Demkî ya Sûriyeyê yên li dijî taxên kurdan Şexmeqsûd û Eşrefiyeyê axivî. Dujarric got, "Ez dikarim bibêjim sekreterê me yê giştî ji ber mirin û birîndarbûna sivîlên li Helebê di nav metirsiyê de ye. Em aliyên siyasî, hem aliyên leşkerî, em bang li hemû aliyan dikin ku nerm bin û niyeta baş nişan bidin û ji bo Peymana 10'ê Adarê tam bînin cih ji nû ve dest bi pevdîtinan bikin."
Dujarric got ku li gor hiqûqa însanî divê hemû alî sivîlan û binesaziya bajêr biparêzin, û em bang li hemû aktoran dikin ku xirecirê kêm bikin û bi asta herî bilind de aram bin.
**
Nûçeyên Eleqedar:
- Barzanî û Talabanî li ser Taxên Kurdan çi gotin?
- DEM Partî: Divê hikûmeta Şamê êrîşên li dijî kurd û suryaniyan bi dawî bike
- Îlham Ehmed: Hikûmeta Demkî li dijî kurdan şer îlan kiriye
.jpg)
