Diyarname
Kovara li ser wergerê LEWerger bi hejmara xwe ya nû hat. Kovarê niha hejmara 10'an amade kir û wê digihîne ber destên xwendevanan.
Kovara LEWergerê çar mehan carek derdikeve. Ew di sala xwe ya 4'an de niha gihîşt hejmara 10'an. Hejmara nû ya LEWergerê ya meha rezber, kewçêr, sermawez û berfanbara 2025'an derket.
Kovara ku di bin edîtoriya Yeqîn h., Miradê Miradan û Berfîn Huseynî de derdikeve gelek kes bi wergerên xwe kedê didin.
Kovarê hejmara xwe ya 9'an ji bo helbestên helbestkarên jin veqetandibû, di vê hejmarê de cih daye helbestên li ser eşqê û bi vî awayî di vê payîza eşqê de tiştek taybet çêkiriye. Edîtoriya kovarê gotiye, "Hesta eşqê her û her ji însan re cazîb hatiye û vê hestê seraqet karîbûye zora hemû tiştên mayî bibe. Helbet qest ji eşqê ne tenê ew eşq e ku ji bo jinekê yan mêrekî tê hestkirin lê 'eşqeke tevahî'ye. Ev dibe li hemberî xwedê, yan xwezayê, hunerê, welêt an jî bireserekê û hwd be. Lê gava em helbestên eşqê dixwînin, em dibînin ku ew bêtir ji bo jinekê yan mêrekî hatine nivîsandin. Ji mînakên cihanê em dibînin ku dema helbestkar dibe dildarekî baş pê re li xwe divarqile û helbestên baştir dinivîsîne; çiku dema digihêjê wê asta herî jor a eşqê, qabîliyeta wî ya nivîsandinê jî zêdetir dibe."
Edîtoriya kovarê gotina nivîskar û fîlezofê fransî J.J.Rousseau ya wekî "Bi min eşq, şîrîn, bi şehwet, paqij û zindî ye, zewqeke wiha ye ku bi tu êşê re tev li hev nebûye" daye û banga xwendina kovarê kiriye: "Hûn jî kerem bikin: Xwe ji van helbestên ku ji bo eşqê bi eşq hatine nivîsandin bêpar nehêlin; wan bi kurdî bixwînin, dilê xwe hênik, keserên xwe hê teniktir bikin."
Di vê hejmarê de ji Aleksandr Blok, Lord Byron heta Peyo Yavorov, Paul Celan, Emily Dickinson, Mahmûd Derwîş; ji Rose Auslander, Nima Yushij, Nizar Qabbani, heta Sediyê Şîrazî, Resûl Hemzatov, Jan Wagner, Seyid Elî Salihî, Ahmed Shamlou, Josê Agustîn Goytisolo, Rapayel Patkanyan helbestên bi dehan nivîskarên dinyayê têde cih girtine.
Ji bo têkilî
Mail: lewwerger@gmail.com