Diyarname
Eno hewte 9 fîlmî kewtê vîzyon; înan de di hebî emsar verendamê Oscarî yê, yew Cannes de hamebî motranayişî. Ma înan ra hîri heban raver anê û mocnenê ra.

HÎKAYEY BOB DYLANÎ
"A Complate Unknown" fîlmê derhêner James Mangoldî yo. Fîlm bi namey "Bob Dylan: Tam Bir Bilinmez" Tirkiya de veto vîzyon. Semedo fîlmê serê jiyaney muzîkaro bi name û veng Bob Dylanî de wo eno name naw ser.
New York de, seran ra sere 1961 wa. Ciwanêke muzîkar ê 19 sere bi gîtar û jîrekî xwu Minnesota ra verê xwu dano New York. Ew do bandorêke pîl ro muzîkê Amerîka bikero. Eno ciwan bi muzîkaranê efsanewî ê Greenwich Village dir têkilî virazeno û raver şino. Bi eno awa dinya de veng dano.
Derhêner Mangoldî di enî fîlmê xwu de verê xwu dawo enî ciwanî, muzîkê ê û te ra fîlmêke serkewte veto.
Fîlm de Timothee Chalamet, Edward Norton, Elle Fanning û Monica Barbaro kay kenê.
Verendamtî 'Fîlmo Serkewte', 'Derhênero Serkewte' û 'Kaykerdoxo Serkewte' jî tede di 8 waran de qeybî Oscarî zey verendam hamey destnîşankerdişî. Eşkera niyo ke go Oscar bigîro la nê, enka fîlm Tirkiya de vîzyon de wo.

KONSEY
Fîlmê "Conclave" bi namey "Konsey" kerdo vizyon. Fîlmê derhêner Edward Berger 8 hetan de qeybî Oscarî zey verendam hamew destnîşankerdişî.
Ralph Fiennes, Stanley Tucci, John Lithgow û Isabella Rossellini fîlm de kay kenê.
Fîlm verê xwu dano kombiyayişê kardînalan. Weçînayişê Papa di miyanê dinyaya xiristiyanan de bûyerêka pîle wa. Kardînal Lawrence zî qeybî enî weçînayişî organîze bikero û raver bero yeno wezîfedarkerdişî la ew xwu miyanê komployêke pîle de vîneno; ke eno komplo eşkena xîmê dêrî bixerepno.
Vatîkan de reqabeto siyasî û entrîkay meseleyê sereke yê enî fîlmî yê.

Fîlmê hîrinan "Trei Kilometri Pana la Capatul Lumii" yo ke bi namey "Dunyanin Sonuna Uç Kilometre" kerdo vîzyon. Fîlmê derhêner Emanuel Parvu par Cannes de qeybî Palmiyeya Zêrîne pêşbazî de bî. Ciprian Chiujdea, Bogdan Dumitrache, Laura Vasiliu, Valeriu Andriuta, Adrian Titieni û Alina Berzunteanu tede kay kenê. Ê biwazê eşkenê enî fîlmî zî temaşe bikerê.
Heme fîlmê enî hewteyî enî yê:
- Love Hurt / Derhêner Jojo Eusebio
- Trei Kilometri Pana la Capatul Lumii / Derhêner Emanuel Parvu
- Hyper Focus: Tomorrow X Together VR Concert / Derhêner Kyungkuk Kim 
- Bagman / Derhêner Colm McCarthy
- Coclave / Derhêner Edward Berger
- A Complate Unknown / Derhêner James Mangold
- Inspector Sun y la Maldicion de la Viuda Negra / Derhêner Julio Soto Gurpide / anîmasyon
- Dayi 2: Bir Adamin Hikayesi / Derhêner Ugur Bayraktar
- Bir Omrun Sonbarahi / Derhêner Gizel Kizil