Diyarname
Keykerdox Geongey Clooney qeybî xêrî go yewî/e dir nan boro û pereyke înon ra bêro girotişî go bido Weqfa Edaletî ay Clooney.
Daily Mail serê ene yewî de xebere viraşte. Gorey xebere ra 24'ê aşmey êlonû, New York de werê şanêke yena organîzekerdişî. Ê ke Coolney dir were borê go pere bidê. Qeybî ene yewî mezat hamey viraştişî. Mezat bi 10 hezarî dolarî ra dest pa kerdo û heta enka heta 31 hezar dolarî şiyo. Heta 20'ê tebaxî mezat dewam keno û texmîn ew e heta 60 hezar dolarî go teklîf bêro kerdişî û heta 20'ê aşme kam zêde pere bido go George Clooney dir şamêke boro. Teno/a ke qezenc bikero eşkeno/a meymanêke zî xwu dir biyaro.
Qeybî mezatî Clooney ana hamey vatişî, "Verî şamî kokteylêke taybet de bêrê verê Clooney, tedir fotograf bancê û şamêke taybet, zere ra, bi pers û bersivan temam bikerê."
Kaykerdoxê Hollywoodî George Clooney û qîrekey ê parêzvaney mafê merdiman Amal Clooney qeybî weqfey xwu verî zî kampanyayê aneyînî dabî dest pa kerdişî.