Diyarname

Komîsyonê Çand û Ziwanî ê DEM Partî eyro Amed de eşkera kerd ke qeybî 21'ê Sibatî Roca Ziwanê Dayike go 35 bajaran de çalakiyan virazê.

Qeybî eşkerakerdinê bernamî Hevberdevkê Komîsyonê Çand û Ziwanî ê DEM Partî Cemile Turhalli û Heval Dilbihar daxuyanî da çapemenî.

Gorey vatişê înan ra go bername miyanê 18-21'yê ene aşme de viraziyo.

Bername bi eno awa yo:

- 18'ê aşme miyanê saetanê 18.00-22.00 de heme kargeh û keyeyan de bi kurdî muzîk guhdarî bikerê û bi kurdî xeberê bidê, medyaya dîjîtal de bi kurdî çiyan bikerê vila.

- 20'ê aşme saet 21.00 de miyanê tora civakî de bi ziwanê kurdî hashtag vila bikerê.

- Rocanê 18-21'y aşme de, kuçe, tax û kolanan de go bi kurdî derse bêro dayişî.

- 19-21'y aşme de bajarê Tirkiya û Kurdistanî de qeybî ziwanê kurdî bibo ziwanê fermî go çalakî reyrayişî viraziyê. 100 hezar hebî daxuyanî go bêrê vilakerdişî.

- Rocanê 19-20-21'y aşme de mebûsê DEM Partî go Parlemena Tirkiya de çalakiyanê ciya ciyayan virazê

- Gorey bernamî ra çalakî enî bajaran de go viraziyê: Amed, Wan, Sêrt, Mêrdîn, Êlih, Şirnex, Semsûr, Dîlok, Riha, Çewlig, Dêrsim, Xarpêt, Colemêrg, Mûş, Bedlîs, Agirî, Qers, Erdexan, Îdir, Erzerom, Mereş, Meletî, Edene, Mêrsîn, Antalya, Stenbol, Kocaelî, Tekîrdag, Îzmîr, Manisa, Aydin, Mugla, Balikesîr, Enqere, Konya.