Diyarname

“Monologa Mîn” duwemîn lîstika sêbareya “Rawestgeh”ê ye ku Mîrza Metîn nivîsandiye û vê hefteyê du caran derdikeve ser dikê.

"Rawestgehek.

Li derdorê ji xêncî rûerdeke ripîrast û asîmaneke gerwrikî qet tiştekî tune ye.

Bibore! A rast tiştekî heye. Bi navê Zîft quqlayek bi bêhizûrî rûniştiye û li bendêye ku yek were û wî bibîne.

Piştre Mîn bi ecele tê rawestgehê. Li destê wê baholek û li dû wê jî bohozekî neeşkere…

Li bendê disekine û li ser çûyînê, mayînê, neçûyîn û nemayînê monologan dike."

Ev gotin lîstika bi nave "Monologa Mîn"ê (MIN'S MONOLOG) vedibêje. Lîstika “Monologa Mîn” wekî duyemîn lîstika sêbareya “Rawestgeh”ê derdikeve ser dikê û ji aliyê Mîrza Metîn hatiye nivîsandin. Promiyera lîstikê ji ber vîrusa koronayê 11'ê pûşpera îsal bi ser Instagramê re wekî online hat pêşkêş kirin. Niha lîstik dê du caran derkeve ser dikê. Cara yekem 15'ê mehê saet 20.00'an de û paşê 22'yê mehê dîsa saet 20.00'an de li Kulturbunker a Kolnê dê bê lîstin. Lîstikan ku Mîrza Metîn nivîskarî û derhêneriya wê kiriye, Hîcran Demîr têde dilîze.

Yekemîn sêbareya vê lîstikê bi navê  “Rawestgeharaf” hem li Stenbolê û hem jî li bajarên Almanyayê hatibû lîstin. Niha wekî duyemîn lîstika vê rêzeyê "Monologa Mîn" tê lîstin. Şermola Performans ev sê sal in li Almanya hem produksiyonên serbixwe û hem jî produksiyonên hevpar çêdike bi komên şanoyên alman re. Piştî lîstikên “Acht” û

“Unvollkommen” ev sêyemî produksiyona serbixwe ye ji bo Şermola Performansê.

Ji bo yên eleqedar:

MONOLOGA MÎN – Şermola Performans

Promiyer: 15.10.2020 // 20:00 // Kulturbunker Koln

Nîşandan: 22.10.2020 // 20:00 // Kulturbunker Koln

Navnîşan: Kulturbunker Koln

Berliner Str. 20, 51063 Koln

Tel: 0221 - 61 69 26

Ji bo agahiyên zêdetir:

info@sermola.com

www.sermola.com

www.sermolaperformans.de

www.mirzametin.com