Diyarname
Niha hilbijartin çêbe dê gelê Wanê rêya xwe bide kîjan partiyê? Gelê Wanê ji xebatên şaredarî memnûn in? Li ser girtina şaredar çi difikirin? Li ser van û hin pirsên din SAMER'ê li Wanê anketek çêkir.

Navenda Lêkolînên Civakî û Siyasî (SAMER) piştî girtina Şaredarê Wanê yê BDP'yî Bekir Kaya li Wanê anketek çêkir. Di anketê de bi 319 hemwelatî re rû bi rû hevdîtin pêk hat ku piraniya wan jî esnaf bûn. Anket roja 14'ê pûşperê hat sazkirin. Di anketê de sedî 68'ê kesên beşdarî anketê bûne gotine ew xebatên şaredariyê baş dibînin, sedî 20 gotiye şaredarî baş naxebite û sedî 12 jî gotiye ez xebatên şaredariyê hinek baş dibînim.

Vane hin encamên ji anketê derketin:
- Sedî 57 piştî erdhejê jî bajar terk nekirine, sedî 43 bajar terk kirine.
- Sedî 93 gotiye ew naxwazin ji Wanê koç bikin.
- Sedî 63 xebata TOKÎ û barkirina cihek din a bajêr neyînî dîtiye, sedî 18 erênî dîtiye.
- Sedî 68 gotine ji bo bandora erdhejê rabe bar dikeve ser milê walîtî, sedî 16 gotiye hikumet û sedî 10'ê jî gotiye bar dikeve ser milê şaredariyê.

Herî zedê Şaredariyên BDP'ê xebitîne
- Li ser pirsa, piştî erdhejê kîjan sazî ji bo çareserî herî baş xebitiye, encam sedî 31 gotiye şaredariyên BDP'ê, sedî 28 gotiye Şaredariya Wanê, sedî 10 gotiye Kizilay, sedî 8 gotiye walîtî.
- Li ser pirsa, piştî erdhejê Şaredariya Wanê bi têra xwe xebat kiriye, sedî 57 gotiye erê, sedî 22 gotiye hinek erê, sedî 21'ê jî gotiye na.
- Li ser pirsa hûn girtina Şaredarê Wanê çawa dibînin, sedî 79 gotiye ew neyînî dibînin, sedî 3 gotiye erênî dibînin. Sedî 18'yan jî bersiv nedaye.

Şaredar çima hat girtin?
- Li ser pirsa Bi ya we çima Şaredarê Wanê hat girtine, sedî 34 gotiye ji ber sedemên siyasî, sedî 13 gotiye ji ber BDP'yî bûye, sedî 11 gotiye ji ber dixebitî, sedî 3 gotiye ji ber piştgirî daye terorê û sedî 34'an jî bersiva vê pirsê nedaye.
- Girtina şaredar dê tesîreke çawa li xebatan bike? Sedî 92 gotine dê tesîreke xirab lê bike.

Hilbijartin çêbe hûnê dengê xwe bidin kê?
- Li ser pirsa vê yekşemê hilbijartin çêbe hûnê rêya xwe bidin kîjan partiyê? jî sedî 67 gotiye BDP, sedî 13 biryar nedane, sedî 8 gotiye ewê dengê bikar neyne, sedî 7 gotiye ewê bide AKP'ê û sedî 1 jî gotiye ewê dengê xwe bide CHP'ê.

***

Anketa SAMER ya li ser Amedê:

- Gelê Amedê xweserî dixwaze