Diyarname
Ji Lîga Super a Tirkiyeyê 2 tîm ketin, tîma sêyem jî îro piştî maça Akhîsar û Kayserî diyar bû: Osmanli Spor.
Di Lîga Super de maçên hefteya 33'yan hatin lîstin û îro hefte bi dawî bû. Maça dawî di navbera Kayserî û Akhîsarê de bû. Ji Kayserî wêdetir pêdiviya Akhîsarê bi pûanan hebû û di dawiyê de Akhîsar gihîşt miraza xwe: 2-1. Bi vê yekê Akhîsarê 3 pûan girtin û pûanên xwe derxistin 39'an. Bi vê yekê tîmê sêyemîn ku ket jî diyar bû: Osmanli Spor.
Berî vê hefteyê du tîm Gençlerbirligi (Tîma Enqereyê) û Kardemir Karabuk ji lîgê ketibûn. Û îro Osmanli jî ket. Osmanli di 33 pûanan de ye û tîmek bi ser wê re Konya bi 36 pûanan e. Hefteya pêşiya me lîg bi dawî dibe, Konya têk here û Osmanli (tîma Enqereyê) bi ser bikeve jî ji ber avarajê Osmanli nikare xwe bigihîne Konyayê loma ji niha de ket.
Gençlerbirligi ev 28 sal in ji lîgê neketibû. Piştî Serokê Klûbê İlhan Cavcav mir kurê wî hat cih lê îstîkrar çênebû. Îsal navê Îlhan Cavcav li serdema lîgê hatibû kirin û di salek wisa de tîma wî Gençlerbirligi têk çû. Osmanli jî tîma Melih Gokçek ê Şaredarê Enqereyê bû û kurê wî li ser tîm bû. Piştî çûyîna Gokçek vaye tîma wî jî çû.
Li aliyê din di rêzên pêşî de jî kayişkêşan heye: Yekemînê lîgê Galatasaray bi 72 pûanan e. Di rêza duyem de du tîm hene Fenerbahçe 69 û Başakşehîr jî xwedî 69 pûanan e. Ger Galatasaray têk here û Başakşehîr bi ser bikeve ji ber avarajê Başakşehîr dibe şampiyon. Lê Galatasaray tenê pûanek jî bigire şampiyon e.
Di rêza çarem de jî Beşîktaş bi 68 pûanan e.
Du tîm hatin
Sê tîm ketin lê li aliyê din ji lîgek jêrtir Lîga 1'emîn a Spor Toto du tîm hatin û dê yek jî paşê diyar bibe. Di vê lîgê de Çaykur Rîze bû şampiyon, MKE Ankaragucu bû duyem û her duyan mafê derketine Lîga Super bi dest xist. Tîma sêyem jî di encama Play-offê de derkeve Lîga Super.