Diyarname

Dawiya vê hefteyê li ku çi heye? Ji 5 bajaran me çalakî bo we dan hev. Kerem bikin...

AMED:

Şano: Li Amedê Şanoya Bajêr a Amedê rojên 16 û 17'ê mehê lîstika xwe "Mirina Jeanne D'arce ya Din" pêşkêş dike. Lîstik saet 19.30 de dest pê dike.

*

BATMAN:

Şano: Lîstika Teatra Ba ya bi navê "Çinûr" rojên 16 û 17'ê mehê li ser sehneya Yenî Sahne ya Batmanê ye. Lîstik saet 19.30 de dest pê dike.

Stand-up: Li Yenîsahneyê 18'ê mehê jî stand-upa "Tirş û Tehl" li ser dikê ye.

Gotûbêj: Li ser "Duşema Rengîn" roja 17'ê mehê saet 16'an de gotûbêj û roja îmzeyê li Yenîsehneyê li dar dikeve. Nivîskarê romana "Duşema Rengîn" Sîdar Jîr dê li ser romana xwe biaxive. Moderatorê çalakiyê  Brahîm Ronîzêr e.

Gotûbêj: Bi navê "Statu û perwerdehiya bi zimanê kurdî" panelek li dar dikeve. Panela ku Nuh Bozkur moderatoriya wê dike 18'ê mehê saet 13.30 de li Salona Baroya Batmanê li dar dikeve. Fatma Budak Guler, Mele Huseyînê êsî, Resûl Geyik û Mizgîn Ronak dê biaxivin.

*

WAN:

Stand-up: Li ŞanoWanê Salih Yildizoz bi stand-upa xwe rojên 16 û 17'ê mehê derdikeve pêşberî waniyan. Stand-up saet 19.30 de dest pê bike.

Konser: Li Şano Wanê 18'ê mehê jî konserek heye.  Aryen Huner/Aryen Kom dê konsera xwe pêşkêş bike. 

*

MÊRDÎN:

Şano: Li Mêrdînê Şaneşîn Performans 18'ê mehê lîstikek mêvan dike mêvanê xwe. Lîstika "Tuhaf bir gun" 18'ê mehê saet 19.30 de dê bê lîstin.

Stand-up: Lîstikvan Erdal Kaya bi stand-upa xwe "Vik û vala" li Mêrdînê derdikeve ser dikê. Lîstik 17'ê mehê saet 19.30 de li Salona Yay Grand Otelê tê lîstin.

*

STENBOL:

Belgefîlm: Belgefîlmê derhêner Aylin Kuryel û Firat Yucel bi navê "Wergerandina Ulysses" 15'ê mehê saet 19'an de li Depo'yê tê nîşandayîn. Depo li Tophaneya Beyogluyê ye.
Şano: Lîstika Şano Ar "Qral û Travîs" 16'ê mehê saet 20.00'an de li Şîşli Cemil Candaş Kultur Merkezî tê pêşkêş kirin.