Diyarname
Pirtûka erotîk a bi navê "Pêncî Siyên Gewr" rekora herî zêde firotina di hefteyekê de şikand.
Pirtûya yekemîn a sêbareya EL James ya bi navê "Pêncî Siyên Gewr" hefteya borî li Îngilistanê 205 hezar û 130 heb firot. Bi vê hejmarê pirtûka Dan Brown "Sembola Winda" li dû xwe hişt û rekor şikand.
James bû yekemîn nivîskar ku du pirtûkên wî di hefteya pêşî de herî hindik 100 hezar hebî difroşe û bi vê rekorê ket nav dîroka rekoran.
Sêbareyan li Îngilistanê heta niha 2,75 mîlyon heb kopyaya dîjîtal firotine.
"Pêncî Siyên Gewr" di du mehên dawî de 765 hezar heb firot ku ev yek dê bibe pirtûka herî zêde di nav salê de tê firotin.
Berî vê pirtûka Dan Brow "Şîfreya Da Vinci" di şeş mehan de gihîştibû vê hejmara firotinê.
Hefteya borî pirtûka duyemîn a sêbareyê 132 û 174 heb, pirtûka sêyemîn a sêbareyê jî 115 hezar û 86 heb firotin. Bi giştî di hefteyekê de 452 hezar û 390 pirtûkên wî hatin firotin ku bi vê yekê 1,93 mîlyon sterlîna îngilîz hat bi dest xistin. Ev hejmar bi qasî dahatûya ji 50 pirtûtan e ku li Îngilistanê di hefteyekê de hatine firotin. Li bendê ne ku heta dawiya mehê pirtûka yekemîn a sêbareyê mîlyonek hebî bifroşe.
Edîtorê kovara îngilîz The Booksellerê Phillip Stone dibêje: "Firotina 'Pêncî Siyên Gewr' gelek e û rekoran dişkîne. Ev tenê pirtûkên çapkirî ye, di warê dîjîtal de jî dê rekoran bişkîne.
Pirtûk li ser têkiliya bi şehwet a di navbera karsazê mîlyarder Christian Grey û xwendekara wêjeyê ya dilsaf Anastasia Steel hitaye nivîsin.
Sêbariya pirtûkên EL James heta niha li Amerîka û Kanadayê jî bi giştî 15 mîlyon heb hatine firotin û wekî Îngilistanê li wê derê jî di nav pirtûkên herî zêde têne firotin de ye.
Ji BBC Beşa Tirkî hatiye girtin