Diyarname
Hefta çûyî li maçeke fûtbolê Serokê Klûbê kulm li hakêm xistibû, vê carê serokek din ên klûbek tîma xwe ji nav sehayê vekişand. Çapemeniya dinyayê ji bo Tirkiyeyê dibêje, "Li Tirkiyeyê kaos didome."
Hefta çûyî di maça Ankaragucu û Rize de Serokê Klûba Ankaragucu Faruk Koca piştî bi dawîbûna maçê li hakêm Halil Umut Meler xistibû. Duh êvarê jî di maça Îstanbul Spor û Trabzon Sporê (TS) de bûyer derket. Maç 1-1 bû, di deqîqeya 73'yan de Trabzonê gol avêt û encam bû 2-1. Serokê Îstanbul Sporê Ecmel Faik Sarialioglu tîm ji maçê vekişand. Maç wê kêliyê bi dawî bû.
Di maça hefteya 17'an de deqe 68 bû; di ataka Îstanbul Sporê de lîstikvanê wan Florian Loshaj ji aliyê lîtikvanê TS'ê Batista Mendy ve li erdê hat xistin. Lîstikvanên Îstanbulê reaksiyon nîşanî hakêm dan. Hakêm li VAR'ê jî mêze kir, lê biryara xwe neguhart û di vê kêliyê de TS'ê gol avêt.
Li ser vê yekê Serokê Klûba Îstanbul Sporê Sarialioglu daket sehayê û di deqîqeya 73'yan de lîstikvanên xwe ji sehayê vekişandin.
Maç bi vî awayî bi dawî bû. Niha TFF (Federasyona Fûtbolê ya Tirkiyeyê) dê biryarê bide, çi ceza bide yan nede. Lê wekî bûyera hefteya borî vê bûyerê jî li dinyayê deng veda, ji ber ku li dinyayê bûyerên wisa naqewimin.
Ji dinyayê gelek rojnameyan bûyer kirin manşet. Ji Îngilistanê DailyMail bal kişand ser bûyera hefteya borî jî û got, "Serokê tîma penaltiya wan nehat dayîn ket sehayê û tîm bi paş ve kişand. Ji bo Lîga Super a Tirkiyeyê ev dîmena şermê ye."
The Sunê jî got, "Di nav fûtbola Tirkiyeyê de kaoseke nû."
Nûçeyên Eleqedar:
- Rojnameyên sporê yên dinyayê ji bo Tirkiyeyê: Skandal
- Êrîşê rêveberên Amed sporê kirin
- Serokê Amed Sporê: Serokê TFF'ê telefona xwe girtibû
- Girseyê pêşwazî li Amed Sporê kir
- Banga DKKDP li ser maça Amed û Bursayê
-Êrîşa li ser Amed Sporê / hemû bûyerên rojê
- '68 Ergenekon'ê alîgirên Amed Sporê tehdîd kirin
.jpg)
