Diyarname
Di Roja Wergerê ya Cîhanê de wergêr di meş û çalakiyan de têne ba hev û wê rojê pîroz dikin.
30'ê Rezberê ku wekî Roja Ezîz Jerome dihat pîrozkirin bi hewldana Federasyona Wergêran a Navneteweyî ji sala 1953'yan ve ji bo rûmetdayîna wergêr û hemû karkerên zimanên dinyayê ev roj êdî wekî Roja Wergerê ya Dinyayê tê pîrozkirin.
Ev çalakî li Tirkiyeyê li Stenbolê, li Depoyê li dar dikeve. Di çalakiyê de ji gelek welatên dinyayê dê wergêr amade bin.
Li Tirkiyeyê li ser wergerê ev çalakiya herî mezin e. Komeleya Wergerê, Komeleya Wergerên Konferansa a Tirkiyeyê, Wergerên Pirtûkan, Yekîtiya Pîşeyê, Komeleya Karkirina Wergerê, Yekîtiya Xwendekarên Wergerê ya Tirkiyeyê û wergerên serbixwe beşdarî vê çalakiyê dibin lê yên ku çalakiyê organîze dikin û pêşengiyê dikin Yekîtiya Xwendekarên Wergerê ya Tirkiyeyê ye.
Çalakî û pîrozbahiya Roja Wergerê dê saet 12'an de li Parka Taksîmê dest pê bike. Werger dê li wê derê bêne ba hev, bi pankart û diruşmên xwe heta Depoyê bimeşin. Di Depoyê de jî (saet 13.00) di vê çarçoveyê de dê çalakî li dar bikeve. Di nav van çalakiyan de dans, muzîk, nîşandayîna kurtefîlm û vekirina pêşangehekê heye. Wergêrên ku dibêjin "Ez werdigerînim, wê çaxê ez heme" û van çalakiyan li dar dixin, her kesî vedixwînin vê çalakiyê.
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.