Enqere

Li ser navê hemû mebûsên HEDEP'ê li Meclisê daxuyanî dan çapemeniyê. Di daxuyaniyê de Hevberdevkê HDK'ê û mebûsê HEDEP'ê Cengiz Ciçek got, "Ji bo çareserkirina pirsgrêka kurd em dixwazin ligel Ocalan hevdîtinê bikin. Ji bo vê yekê emê serî li Wezareta Edelatê bidin."

Piraniya mebûsên HEDEP'ê li civînê amade bûn. Civîna çapemeniyê li bexçeyê Meclisa Tirkiyeyê li dar ket. Pêşî Wekîlê Koma HEDEP'ê Saruhan Oluç axivî û got ku ji Rêberê PKK'ê Abdullah Ocalan ev 32 meh e agahî nayê girtin û got, "Ne malbatî ne parêzer tu agahî jê nagirin. Ev yek tiştek derveyî mirovahiyê ye. Di heman demê de hem ji aliyê hiqûqa neteweyî, hem ji aliyê hiqûqa navneteweyî û peymanan ve dema em dinêrin nayê qebûlkirin. Li dinyayê tiştek wisa nîn e. Tekane mînak heye ew jî li Îmraliyê hem li ser birêz Ocalan hem li ser 3 girtiyê din e."

Paşê Çîçek axivî. Va ne ji axaftina Çîçek çend gotin:

- Weki parêzerek ez dibêjim ev yek skandala hiqûqê ye, tiştek derveyî zagonê ye.

- Tenê li ser girtehan ez çend tiştan bêjim: Seroka me Gultan Kişanak demek dirêj e girtî ye. Cezaya wê temam bûye jî bernadin. Can Atalay ligel biryara AYM'ê jî nayê berdan. Kesên 30 sal in girtîne hene.

- Rewşa ku Tirkiye niha têde ye bi pirsgirêka kurd re eleqedar e.

- Ji sala 2011'an ve heta niha 5 caran ligel parêzerên hevdîtin çêkiriye, 5 caran jî ligel malbatê. 25 sal in girtî ye tenê 2 caran mafê xwe yê telefonê pêkaniye. Ka hiqûq li ku derê vê derê de ye. 

- Ger heta niha 7 mîlyar dolar ji bo şer hatibe xeckirin divê gelên me yên kedkar vê bibînin û alîgirê çareserkirina pirsgirêka kurd bin.

- Duh 1'ê Sermawezê Roja Kobanî bû, lê wisa mesele ye ku duh dîsa em rastî bêhiqûqiyê hatin, mebûsa me Huda Kaya di çarçoveya "Doza Kobanî" de hat girtin. Di Roja Kobani de ev bêhiqûqiya li hemberî Huda Kaya û hevalên me kîn û neftera desthilatdariyê ye, neyarkiriya azadiya li ser vê axê ye.

- Ji bo hevdîtina ligel birêz Ocalan emê serî li Edaleta Wezaretê bidin bidin. Em dixwazin li ser çareserkirina pirsgirêka kurd ligel wi biaxivin. Îro saet 16.00'an de dê Wekîlên Koma me vê serîlêdanê bikin.