MÊRDÎN 

Li Mêrdînê SîneMardînê dest pê kir. Di festîvalê de gelek fîlmên kurdî jî hene.

7'emîn Festîvala Fîlmên Navneteweyî Mêrdînê "SîneMardîn" ji aliyê Komeleya Ofîsiyê ya Fîlman a Mêrdînê ve tê organîzekirin bi merasimekê dest pê kir. 

Seroka Festîvalê Helun Firat, diyar kir ku armanca festîvalê ew e ku li Mêrdînê binesaziya sînemayê pêk bînin û li qada navneteweyî bidin nasîn. Firat, got ku ji bo piştgiriyê bidin sînemavanên ciwan dê gelek tiştên girîng îsal li dar bixin û wiha dom kir: "Em dê di festîvalê de gelek fîlman pêşkêş bikin. Di festîvalê de yekemîn can ra îsal em dê di du beşan da pêşbaziyê li dar bixin. Pêşbaziya kurtefîlm û belgefîlman dê pêk bê, dîsa dê bi dengên gelê Mêrdînê bê xelat bên dayîn."

Piştî axaftinê Xelata Rûmetê dan yek nivîskar Murathan Mungan ku di heman demê de wekî mêvanê rûmetê li festîvalê mêvan e. 

Mungan, diyar kir ku di jiyana xwe de gelek caran xelat girtiye lê ev xelat di jiyana wî de cihek girîng digire û wiha got: "Ez wekî zarokekî Mêrdînê vê xelatê digirim. Bajarekî ew qas xwedî asîmaneke xweşik êdî sînamayeke havînê heq nake?" 

Di SîneMardînê de kurtefîlm, belgefîlm û fîlmên metrajdirêj gelek fîlmên derhênerên kurd jî têne nîşandayîn.

+++

Nûçeya eleqedar:

- Sînemardîn bi bernameyeke têrtije tê