Diyarname

Êvara 22'yê mehê bi merasimek Xelatên Apê Mûsa û Şehidên Çapemeniya Azad hatin belav kirin. Pankarta "Rastî dê nayên veşartin" ku wêneyên rojnamegerên Çapemeniya Azad ên hatine kuştin jî têde hat daliqandin.

Mebûsên Yeşîl Sol Partî û rojnameger jî têde gelek kes beşdarî mesarima xelatdayînê bûn.

Di warê "Nûçeya Tirkî", "Nûçeya Kurdî", "Fotograf", "Karîkatur" û "Nûçegîhaniya Jinan" ku li ser navê Gurbetelli Ersoz tê dayîn xelat hatin belavkirin. Pêşî xelata Nûçeya Kurdî hat dayîn. Edîtorê beşa kurdî ya Bîanetê Ferîd Demîrel bi nûçeya xwe “Fermandarê rêxistina Ahrar’uş Şarkkiyeyê ji Zanîngeha Artûklûyê derçûye” xelat girt. Demirel di dema xelatgirtinê de diyar kir ku xelatên Rojnamegeriyê yên Şehîden Çapemeniya Azad û Mûsa Anter ji bo rojnamegeriya kurdî û kurdan, gelekî girîng û hêja ne û wisa dom kir, "Mûsa Anter navekî gelekî girîng e ji bo ronakbirî ango rewşenbîriya kurdî. Bi heman awayî ji bo rojnamegeriya kurdî jî. Wî û hevalên xwe yên mîna Gurbetellî Ersozê û hevalên din, rêyeke nû ji bo rojnamegeriya kurdî û kurdan vekirin. Gelek hevalên me di vê rêyê de karê rojnamegeriyê dikin. Hinek ji wan niha di girtîgehan de ne. Abdurrahman Gok, Sedat Yilmaz, Dîcle Muftuoglû, Firat Can Arslan û hevalên din. Ez silavên xwe ji vir ji wan hevalên rojnameger ên girtî re dişînim. Ez spasiya xwe ji endamên juriyê re dişînim ku ez xelat kirim."

Di beşa tirkî de edîtorê MA'yê Abdurrahman Gok bi nûçeya “Rojhilat ve İran’dayim: Yeni bir İran umudu”  xelata yekemînî girtibû. Gok ku niha girtî ye peyam şandibû şevê. Gok got ku bê şik emê parastina mafê agahî girtinê ya gel bidomînin û got, "Li ber kesên li ser vê rêyê canê xwe dane tiştên em dijîn nayê qalkirin jî. Lê dîsa jî ji bo piştgiriyê pêdiviya me hemûyan bi me hemûyan heye. Encax bi vî awayî em dikarin li hemberî vê zilmê bi ser bikevin. Dibe ku ez ji girtîgehê  bo we peyamê dişînim lê dilê min bi we re ye. Ez dixwazim ji dil hûn vê hîs bikin. Hemû kesên îro li vê salonê vê heyecanê ligel me parve dikin, baş e ku hûn hene."

Xelatên din ku hatin belavkirin bi vî rengî bûn:

Beşa Tirkî:

- Xelata Taybet a Juriyê: “Piştî Şirnexê Sêrt: Li ser daxwaza leşkeran di şeş mehan de herî kêm qada 60 kîlometre ya daristanê hat tunekirin", Metin Yoksu (Yeşîl Gazete)

- Xelata Taybet a Juriyê: “Li Yataganê li ser sûcê hatin qufaltin: Şîrket, guh nade biryara dadgehê”, Dîlan Pamuk (Yeşîl Gazete).

- Xelata Taybet a Juriyê: “Gel bi jehrî kirin", Îsmaîl Ari (Bîrgun)

Xelata Gurbeteli Ersoz:

- Xelat dan rojnameger Nazîla Marûfiyan ku ji ber bi bavê Jîna Emînî re hevpeyvîn kiribû hatibû girtin.

Xelata Fotografê:

- "Destê Dewletê", Ardil Batmaz

- Juriyê fotografên Sedat Suna û Efekan Akyuz jî hêjayî xelata taybet dîtin.

Beşa Karîkaturan:

- Karîkatura Erhan Yaxar Babalik hêjayî xelatê hat dîtin.

Xelata Rûmetê:

- Komeleya Yekitî, Çand û Piştevaniya bi Malbatên Xizmên Xwe li Dergûşa Şaristaniyê Windakirin re (MEBYA-DER) hêjayî xelata rûmetê hat dîtin.

***

Nûçeya Eleqedar:

- Nûçeya li ser "Fermandarê rêxistina Ahrur'uş Şarkkiye" bi ser ket