Diyarname

Yasemîn Moqbelî bi îngilîzî nivîsa wê "Jasmin Moghbeli" jinek ji Mahabadê ye. Moqbelî ku diya du keçikan e, roja 26'ê mehê çû fezayê. Werin em li çîroka wê binêrin.

Ew jinek 40 salî ye; ji Mahabadê ye. Di beşa Leşkerî ya Behrvaniya DYA'yê (Dewletên Yekbûyî yên Amerîkayê) de pîlot e û astronota NASA'yê ye.

'DI LÊNÛSKA MIN DE HEYE'

Wê ji bo CBS Newsê wisa gotiye; "Têra xwe komîk e, dema ez diçûm polam 6'an di salnameya min de heye, dipirsin 'tu dixwazî bibî çi?', min astronot nivîsiye."

SpaceX Crew-7 dê komeke ji 4 kesên navneteweyî pêk tê bifirîne rawestgeha fezayê. Peywira Serokatiya komê jî dê yekane kesa ku ji derveyî welat a Amerîkî Moqbelî bike. 

KEÇA PENABEREKÎ

Moqbelî keça penaberekî polîtîk ê Îranî ye. Ew di dema ciwaniya xwe de diçe qampa astronotiyê û bawernameya xwe ji MIT'ê distîne. Tevî basketbolê bi 3 werzîşên din re jî mijûl dibû û li ser fezayê difikire, dibistana endezyarî ya hewayî dixwîne. 

Piştre dibe xwedî navekî wêrek li ser pîlotiya balafira êrîşî ya deryayê û ji 150 caran zêdetir di nav peywira şer de peywir digire. Hinek ji bo kevneşopiya malbata xwe, hinek bo welatê xwe û hinekî jî ji bo xeyalên xwe yên fezayê dixebite. 

'MIN QET DERIYÊ ASTONOTÎ NEGIRT"

Moqbelî dibêje; "Min tu caran nexwest ku deriyê bûyîna astronotî bigirim û xebata leşkerî teqez ne ji bo derîgirtinê bû." 

Moqbelî bi heyecan li benda dîtina dîmen e. Ew dibêje, "Çi astronotê ku bi wan re peyivîme dibêjin; dema me li paş xwe li cîhanê dinêrî, fikra me hat guhartin,  nikarim xeyal bikim bê ka cara ewil dîtina dîmenê çawa ye. Tê bîra dema min cara yekemîn zinarê (kanyon) mezin dît, min wekî tişteke bêbawer didît, lê belê nikarim bifikirim ku dema ez ji fezayê li grestêrka me ya navend dinêrim."

Li gorî Moqbelî erka taybet; biryarî, vebînî-kişf û çavkanî ji bo nifşê nû yê jinan e û bi taybetî ji bo her du keçên wê yên cêwik Zelda û Estelle ye. Û dibêje; "Em mirov heta ku em kişf nekin em nikarin bisekinin. Bi ya min, di heman demê de tiştek girîng e ku mirov îlhamê bide nifşê pêşerojê."

***
 

DIBE KU EV NÛÇE JÎ BALA TE BIKIŞÎNIN (Sernavê bitikîne):

- Nizdê 10 hezarî leyîrê penguenan mirar bî 

- Deriyê Aramiyê: Empatî

- 30 sal, weşandina hemû berheman û 5 berhemên nû

- 'Kerwan' a Reşîdê Kurd gihîşt ber destê xwendevanan 

- Piştî şer yekem hejmara Playboy derket

- Di 30 salên dawî de çend pirtûkên kurdî çap bûne?

- 2022: Hemû pirtûkên bi kurdî yên salê