Diyarname
Îsal xelata Booker Navneteweyî çîrokek kurt a berhevkariyê. Ev çîrok bi navê "Heart Lamp" bi zimanê kannadî hatiye nivîsandın û çîrokek berhevkariyê ye.

Nivîskara hindî Banu Mushtaq û wergêr Deepa Bhasthi bi hev re ev xelat girtin ku wan "Heart Lamp" amade kiriye.

Li Tate Modern a li Londona Îngilistanê bi merasimek xelat hat eşkere kirin. Nivîskar Max Porter ku hem xelatgirê Booker e, hem jî nivîskarekî ye ku pirtûkên wî di nav lîsteya ên herî zêde têne firotin de ye xelat eşkere kir. Porter wekî serokê juriya ku ji pênc kesan pêk tê axivî û got, "Di Hear Lamp de çîrokên xweşik û jiyaneke gur nîşan didin hene; ew ji zimanê kannadî bilind dibin. Çîrok bi ziman û zaraveyek dewlemendiya sosyo-polîtîk hatine pêçan. Qala jiyana jinan, mafên wan ên zarokanînê, bawerî, pergala astê, desthilatdarî û zordariyê dikin."

Heart Lamp ji 12 çîrokên kurt ên berhevkariyê pêk tên. Çîrok qala têkoşîn û jiyana rojane ya jinên li Başûrê Hindistanê dikin.

Cara pêşî ev xelata Booker didin berhemeke wisa. "Heart Lamp" bi zimanê kannadî ku li eyaleta Karnataka tê axivîn hatiye nivîsîn, bi vî awayî ev ziman jî di vi warî de cara pêşiye xelateke wisa digire.

Bi vê xelatê Mushtaq dibe jina şeşemîn ku xelata Booker a Navneteweyî digire, Bhasthi jî bû wergereke jin a hindî ya yekem ku vê xelatê digire.

Bhasthi piştî xelatgirtinê got ku ez hêvî dikim ev xelat dê bibe sedema wergerandina berhemên ji zimanê kannadî û ji zimanên Başûrê Asyayê.

Mushtaqê jî di axaftina xwe de got ku ji bo xwendevanan destûr daye peyv di dilê wan de bigerin ez sipasiya wan dikim. Mushtagê wisa gotiye, "Di dinyaya ku her me ji hev dûr dixin de, wêje dibe sedem ku di nav çend rûpelan de be jî em dikarin di nav mejiyê hev de bijîn. Loma wêje di vî warî de yek ji warên pîroz ên dawî ye."

Pirtûk di navbera salên 1990-2023'yan de hatiye amadekirin. Werger Deepa Bhasthi çîrokên di vê pirtûkê de bi baldarî hilbijartine.

Nivîskara pirtûkê û wergera pirtûkê dê 50 hezar sterlin pere wekî xelat bigirin û di nava xwe de parve bikin.