Diyarname

Di Tûrnûvaya Fûtbolê ya Kûpaya Cîhanê ya Jinan 2023 de "Maça sêyemîn" hat lîstin. Swêdê Avustralya bi 2-0 têk bir û bû sêyemînê dinyayê.

Tîmên fûtbolê yên jinan ên neteweyî yên Swêd û Avustralyayê li Stada Suncorp a Avustralyayê hatin hemberî hev. Swêd bi ser ket û di tûrnûvayê de bû seyemîn. Golên Swêde di deqîqeya 30'ê ji penaltiyê Fridolina Rolfo, di deqîqeya 62'yan de jî Kosovare Asllani avêt.

Heta niha 9 caran ev tûrnûva hatiye li dar xistin. Swêd bû 4 caran dibe sêyemîn û carek jî bûye duyemîn. Ev îstîkrar bo Swêdê girîng e lê hê jî ew nekarî ne kûpayê bi dest bixin.

FÎNAL

Maça fînalê 20'ê mehê di navbera Îngilistan û Spanyayê de tê lîstin.

Îngilistana ku 2015'an de bûbû sêyemîn, 2019'an de bûbû çaremîn, vê carê li fînalê ye û kûpayê dixwaze. Heta niha Îngilistanê ev kûpa qet bi dest nexistiye.

Spanya ku reqîbê Îngilistanê ye yekem car derketiye fînalê. Helbet ew jî kûpayê dixwaze. Maç li gor saeta Amedê saet 13.00'an de tê lîstin. 

Li Tirkiyeyê TRT SPor yekser maçan belav dike.

***

Nûçeyên Eleqedar:

- Fînalîstên Kûpaya Cîhanê ya Jinan diyar bûn 

- Jinên Spanyayê derketin fînalê 

- Tîmên jinan ên çarîk fînalîst diyar bûn 

- Trumpî ji ber têkçûna tîma jinan Biden sûcdar kir! 

- Jinên Zelandaya Nû dîrokek nû li dîroka xwe kirin 

- Vê carê dora Fûtbola Jinan e (Agahiyên li ser tûrnûvaya îsal)    

Parve Bike