Diyarname

Tîma Amed Sporê ji bo serdema nû ligel teknîk dîrektorekî nû li hev kirin. Berenramê Serokatiya Amed Sporê Aziz Elaldi eşkere kir ku wan ligel Serdar Sozkurt li hev kirine.

Kongreya Amed Sporê hefteya çûyî hatibû taloqkirin û vê dawiya hefteyê bêyî li piraniya delegeyan binêrin dê li dar bikeve. Yek berendam ji bo serokatî heye: Karsaz Aziz Elaldi. Elahdi îro eşkere kir ku wan ligel teknîk dîrektor Serdar Bozkurt li hev kiriye û got ku bila ji bo Amed Sporê bi xêr be.
Piştî kongreyê Bozkurt dê bi awayekî fermî îmzeyê biavêje û dest bi peywira xwe bike.

Bozkurt kî ye?

Teknîk Dîrektor Serdar Bozkurt di sala 1977'an de li Entabê hatiye dinê, xwediyê Lîsansa B ya UEFA'yê ye. Herî dawî îsal di meha yekemîn de bûbû teknîk dîrektorê Şanliurfayê û lîg duyemîn temam kiribû. Di maçên Play-offê de tîm kiribû şampiyon û ji Lîga 2'yemîn derbasî Lîga 1'emîn kiribu.

Bozkurt ku her di Lîga 2'yemîn de tîm bi rê ve biribûn berê ligel Rihayê, tîmên wekî Tarsus ÎY. Sakarya, Bandirma, Sariyer, Sivas Belediye, Çorum û Ankara Demir bi rê ve biribû.