Stenbol
Encamnameya civîna ‘Dostên Sûriyeyê’ ku Tirkiyeyê mazûvaniya wê kir, eşkere bû. Di encamnameyê de hat diyarkirin ku plansaziya aştiyê ya Nûnerê Neteweyên Yekbûyî Kofî Annan wekî 6 madeyan pêşkêşî civînê kir hat qebûlkirin. Hat diyarkirin ku li ser mijara “bila plan vekirî nebe” li hev kirine.

Hêzên navneteweyî yên ji bo çareseriya krîza li Sûriyeyê, di 24’ê reşemiyê de li Tûnisê civiyan, ji bo cara 2’emîn li Stenbolê li hev civiyan. Civîn bi mazûvaniya Wezîrê Karên Derve yê Tirkiyeyê Ahmet Davûtoglu li Navenda Kongreyê ya Stenbolê, bi beşdariya Wezîra Karên Derve ya DYA Hillary Clinton û nûnerên 82 welatan dest pê kir. Lê Rusye û Çîn beşdarî vê civînê nebûn.

Di metna pêşnûmayê de bang li Annan hate kirin ku berpirsyariyên jê re hatine nasîn pêk bîne. Di encamnameya civînê de wiha hate gotin: "Tevî ku hat daxuyandin Annan daxuyandiye ku plan hatiye qebûlkririn jî rejima Beşar Esad tundiyê didomîne. Berî niha jî rejimê gelek caran sozên dane bi cih neanîne. Lewma rêveberiya Sûriyê samîmî nêz nabe. Koma Dostan ji bo di vê demê de gelê Sûriyê bê parastin dê tedbîrên cihê bigire."

Di encamnameyê de hat destnîşankirin ku gelek kesên ji Sûriyê direvin xwe dispêrin welatên cîran û wiha hat gotin: "Welatiyên ku ji Sûriyê direvin û xwe dispêrin welatên cîran hewceyiyên xwe hene. Barê wî welatî jî giran dibe. Ji bo vê yekê dostên Suriyê dê piştgirî bide welatên ku sûriyeyî xwe dispêrinê."

KONSEYA NETEWEYÎ YA KURDAN NAS NAKE, NÛNERÊ SÛRIYE HESIBANDIN

Di belavokê de hate diyarkirin ku Konseya Neteweyî ya Sûriyeyê (KNS) wekî nunerê rewa yê Sûriyeyê hatiye qebûlkirin. KNS, di civîna yekemîn a li Tûnisê de jî wekî nûnerê rewa yê gelê Sûriyeyê hatibû qebûlkirin. Lê di vê civînê de nehat diyarkirin KNS ‘yekane nûnerê rewa’ yê Sûriyeyê ye.

Di civîna berî wê ya bi banga Tirkiye û Katarê li Stenbolê pêk hatibûn de, hin komên kurdan salona civînê terikandin û deklerasyona KNS’ê îmze nekiribûn. Kurdan diyar kir ku “Formula Dewleta Demokratîk” a projeya Konseyê pir berfireh e, di projeya wan de ji bo kurdan tu tiştek tune bû, komên kurdan civîn terikandin. Kurd daxwaz dikin ku mafê Xweseriyê ji bo kurdan bê naskirin. Muxalefeta navxweyî ya Sûriyeyê Komîteya Koordînasyona ji bo Veguhertina Demokratîk a ku PYD jî di nav de beşdarî vê civînê nebûbû. Bi vê yekê jî projeya rejîma AKP’ê ya li dijî kurdan eşkere bûbû.

CIVÎNA SÊYEM LI FRANSEYÊ YE

Koma Dostên Suriyê di encamnameya xwe de ji ber mazûvaniyê spasiyên xwe pêşkêşî Tirkiyeyê kir û daxuyand ku civîna xwe ya 3'yemîn dê li Fransayê pêk bîne.