Stenbol
Navenda Çanda Mezopotamyayê (NÇM) ku zêdetirî panzdeh salan e li cihê xwe yê ser Kolana Îstîklala Beyogluyê kar û barê xwe dikir, bar kir Tepebaşiyê.

Li Tepebaşiya Beyogluyê ciheke Navenda Çanda Mezopotamyayê hebû û zêdetir koman xebatên xwe li wê derê dikir, lê di cihê ser Îstîklalê de hem cihê rêveberî, hem cafe û hem jî salona pirarmancî (ku têde şano dihat lîstin, fîlm dihat nîşandayîn, gotûbêj dihat li dar xistin) hebû. NÇM'ê li vê derê bi ser panzdeh salan de dem derbas kir û hunerhez, hezkiriyên NÇM'ê û ji bo kurdan ev der bûbû navnîşanek e. Niha ev der hat girtin û wan bar kir cihê xwe yê li Tepebaşiyê.

NÇM'ê ji ber daxwaza xwediyê avahiyê wê îro şûnde xebatên xwe li Tepebaşiyê bidomîne.
Hunermend Çiya ku bi salan e li NÇM xebatên xwe didomîne diyar kir ku ew ji ber ku cihê xwe diguherînin xemgîn in, lê ji ber ku xwediyê avahiyê doz vekiriye û wê avahî bê valakirin ew ê jî cihê xwe derkevin û biçin Tepebaşiyê.