Lozan

Lozan cihê ku peymana lê hatiye îmzekirin û piştî wê kurd kirine çar parçe. Niha di 100 saliya vê peymanê de kurd li Lozanê çalakiyan li dar dixin. Çend roj berê panel hebû, sibê (28'ê mehê, saet 18.00) jî pêşangehek vedibe. Pêşangeh bi navê "2+2=KRDSTN" vedibe.

Serokomarê Komara Kurdistanê a ku li Mehabadê hatibû îlan Qazî Mihemed wisa gotibû, "2+2=Kurdistan e". Pêşangehê jî navê xwe ji vê gotinê girtiye.

Kuratoriya pêşangehê Bariş Seyitvan û Serdar Mutli dikin. Di pêşangehê de hunermend Osman Ahmed, Havin Al-Sindy, Havar Amini, Vooria Aria, Khadija Baker, Savaş Boyraz, Wirya Budaghi, Timur Çelik, Salah Ebrahimi, Serhat Ertuna, Jacopo Gallico, Fatoş Irwen, Eren Karakuş, Serpil Odabaşi, Walid Siti, Hito Steyerl, Leyla Toprak bi berhemên xwe cih digirin.

Mijara bingehîn a pêşangehê wekî "Tiştên ji aliyê me ve hatine vegotin" e û li salona pêşangehê ya Forum d'hôtel de Ville li dar dikeve. Pêşangeh heta 19'ê gulanê dê vekirî be.