Diyarname
Bi beşdariya çend nivîskarên kurd rewşa roman û çîroka kurdî tê nîqaşkirin.

Enstîtuya Kurdî ya li Stockholmê bi sernavê "Rewşa roman û çîroka kurdî" semînerek li dar dixe. Di semînerê de wê Siyamend Şêxaxayî (Romanivîskar - Mehabad), Rêwas Ahmedî(Çîroknivîsra - Silêmanî), Behrûz Kurdahmedî (Romannivîsra - Sine) û Mamostê Aşiq (Romannivîskar - Mehabad) wekî axifger beşdarî semînerê bibin. Di semînerê de wê pirsên wekî li Kurdistan û di nav tekoşîna kurdan de romana kurdî çima pêşnakevê, sedamên vê yekê çi ne? Rexnegiriya romana kurdî di çi rewşê de ye? Wergera klasîkên dinyayê çi fêdê digihînê romana kurdî? Di nava zaravayên kurdî de peşketina romanê di çi astê de ye? bêne nîqaşkirin û gelek pirsên din bêne bersivandin.
Semîner 19'ê vê mehê saet 14.00'an de dê li dar bikeve.

Her wiha Enstîtuyê diyar kiriye ku di zindanê de gelek nivîskar, rojnameger û dostên kurdan hene û ji bo wan dê pirtûkên bişînin. Ji ber vê jî Enstîtuyê gotiye ku ew dixwazin nivîskarên kurd tevî pirtûkên xwe beşdarî semînerê bibin, li wê derê pirtûkên xwe îmze bikin û teslîmê wan bikin ku ew wekî piştgiriyekê ji nivîskar û rojnamegerên kurd ên di zindanê de ne re bişînin.

Ji bo kesên eleqedar:

Dem: 2012.02.19 Yekşem
Saat: 14.00
Cih: Enstîtuya Kurdî li Stockholm
Navnîşan: Mogordsvegen 13, 143 43 Vorby gord
Tel: 073 68502 56