Diyarname
Vê hefteyê hindik fîlm ketine vîzyonê. 3 ji Tirkiye, 2 ji derveyî Tirkiyeyê tenê 5 fîlm hene. Ji nav van em fîlmê “Bariş Akarsu” û “Sabirsizlik Zamani” derdixin pêş.
‘Sabirsizlik Zamani’
“Sabirsizlik Zamani” fîlmê derhêner Aydin Orak e. Orak derhênerekî kurd e, ji Mêrdînê ye. Wî, bi şanoyê dest bi karên hunerê kir û paşê derbasî sînemayê bû, hem di fîlman de lîst, hem jî fîlm kaşindin. Orak heta niha ji bilî hin kurtefîlm û belgefîlman du fîlmên metrajdirêj “Asasiz Mûsa” û “Yaşar Kemal Efsanesi” kişandibûn. Niha jî bi “Sabirsizlik Zamani” li pêşberî sînemahezan e. Di fîlm de Mîrza Zarg, Mîrhat Zarg, İştar Gokseven û Pelin Batu dilîzin.
Fîlmê ku heta niha li derveyî Tirkiyeyê li çend festîvalan hat nîşandayîn, niha ket vîzyonê. Du birayên ku li dibistanê problemên matematîkî bo wan zor in, li nav jiyanê jî di nav hewza zehmetiyê de ne. Bi pereyên ku dane hev hewzeke plastîkî dikirin lê ev yek wan tatmîn nake, loma jî biryar didin ku bikevin hewza sîteyeke luks. Li aliyeke ewlehiyê ku di dest de cop, li aliyê din her du bira. Çi dibe bila bibe dê bikevin wê hewzê û soberî bikin lê tişteke ku ji bîr kirine heye…
‘Bariş Akarsu: Merhaba’
Fîlmê “Bariş Akarsu: Merhaba” ji aliyê derhêner Mert Dikmen ve hatiye kişandin. İsmail Ege Şaşmaz, Almila Ada, Huseyin Avni Danyal û Şafak Pakdemir têde dilîzin.
Hunermend Bariş Akarsu di pêşbaziya stranan a Akedimî Tirkiye de hat nasîn. Paşê dema ji bo kişandina fîlmekî diçû Bodrumê di qezayê de mir. Fîlmê niha çîroka vî hunermendî derdixe pêş ekranê.
Bariş Akarsu ku navê xwe ji hunermend Bariş Março girtiye ji zarokatî ve ji muzîkê hez dikir. Kalê wî jêre gîtarek û pirtûkek dikire. Fîlm berê xwe dide vê serdemê.
Va ne hemû fîlmê hefteyê:
- The Menu / Derhêner Mark Mylod
- Lyle, Lyle, Crocodile / Derhêner Will Speck
- Bariş Akarsu / Derhêner Mert Dikmen
- Sabirsizlik Zamani / Derhêner Aydin Orak
- Mujdemi İsterim / Derhêner Omer Faruk Yardimci