Diyarname

Lîstikvan Annie Wersching roja 29'ê mehê di 45 saliya xwe de ji ber qansêrê mir. Di sala 2020'î de derketibû holê ku qansêr e û ji wê rojê de dihat dermankirin.

Lîstikvan Annie Wersching roja 28'ê adara 1977'an li St. Louisê hatiye dinê. Heta niha di gelek rêzefîlman de cih girtiye. Her  wiha di hin fîlman de jî lîstiye. Rola herî zêde tê zanîn, rola wê ya di rêzefîlmê bi navê "24" de bû. Di serdema 7 û 8'inan ê vî rêzefîlmî de rola ajan Renee Walker lîst.

Di "The Last of Us" de jî bi dengê xwe cih girtibû.

Serlîstikvanê rêzefîlmê '24' Kiefer Sutherland li ser hesabê xwe yê twitterê  ji bo wê wisa got, "Dinyayê îro ronahiyeke xwe winda kir. Ew yek ji lîstikvanan bû ku ez kêfxweş bûm min pêre lîstiye û hevala min bû. Ji bo malbata wê dilê min diêşê. Bila wekî miroveke xweşik bê bibîranîn."