Diyarname

Partiya Herêmên Demokratîk (DBP) roja 23'yê mehê 3'yemîn Kongreya Xwe ya Awarte li dar dixe. Di kongreya ku wê li Enqereyê li Odeya Endazyarên Înşaetê li dar bikeve de 797 delege wê beşdar bibin. Kongre wê saet 10'an de dest pê bike û heta piştî nîvro temam bibe.

Wisa diyar e di kongreyê de hevserokên heyî Kamuran Yuksek û Emîne Ayna dê neyên guherandin lê di rêveberiyê de wê guherîn çêbibin. Her wiha di rêziknameya partiyê de jî hin guherîn dê çê bibin.

Li gor agahiyên ku ketine destê me di rêziknameyê de dixwazin meseleya xweseriya demokratîk xurtir bikin. Tê gotin ku rêziknameya DBP'ê hema bibêje ji serî heta dawî hatiye guhartin û ev rêziknameyê dê bidin dengdanê.

Hevserokê HDP'ê Selahattin Demirtaş, mebûsên HDP'ê û Hevşaredarên DBP'ê dê kongreyê de amade bin.