AMED
Di kolandina herêma Îçkaleyê ya wekî navenda JÎTEM'ê dihate bikaranîn heya niha hestiyên aîdî 16 kesan hatin dîtin. Hate îdîakirin ku hinek hestî ji aliyê polîsan ve hatin texrîbkirin.
Kolandin di 11'ê rêbendanê ya li cihê dîrokê ya Îçkaleyê dest pê kir. Ev der heya sala 1998'an wekî Fermandariya Koma JÎTEM ya Amedê dihate bikaranîn. Ev kolandina ku ev hefteyekê ye dom dike têde hestiyên aîdî 16 kesan hatin dîtin.
Li ser kolandinên li baregeha JÎTEM'ê îdîayêkî balkêş derket holê. Li gor îdîayê, polîsên bi arkeologan re xebatan dimeşînin hinek hestiyên dest û piyan şikandin. Hate îdîakirin ku di navbera polîs û arkeologên ku bertek nîşanî şikandina hestiyan da, nîqaş derket. Hate gotin ku piştî nîqaşê arkeolog xebatên kolandinê bi tena serê xwe berdewam dikin.
Dozgeriya Komarê ya bi Payeya Taybet ji ber ku biryara veşartina dosyaye daye kes nizane lêpirsîn di kîjan astê de ye. Îtîrafkar û Endamê JÎTEM'ê yê berê Abdulkadîr Aygan ji bo rojnameyekê axivî û diyar kir ku di navbera koguş û girtîgehê de valahî heye û wiha berdewam kir: "Heke li cenazeyan bigerin bila berê xwe bidin vir, ya herî bi mantiq ev e."
Aygan cihê hestî lê hatine dîtin jî tarîf kir û wiha got: "Cihê nîvrokî me lê bêhna xwe dida û cixare dikişand ew der e. Vala bû. Pişta kantînê û pişta boluka navendî."
Aygan, got ku têkildarî hestiyên hatin dîtin tenê JÎTEM'ê berpirsiyar bigirin şaşîtî ye.
DÎHA
***
Nûçeya eleqedar:
.jpg)
.jpg)
