Diyarname

Li Tirkiyeyê li ser weşanan zor û zehmetiyeke mezin heye. Gelek weşan bi zorê li ser lingan dimînin. Û pêdivî bi piştgiriyê dibînin. Yek ji van saziyan jî rojnameya Evrenselê ye. Vê dawiya hefteyê ji bo piştgiriya rojnameya Evrenselê şahiyeke tê li dar xistin.

Rojnameya Evrenselê ev 27 sal in li ser lingan e. Lê ji ber nasnameya wê ya muxalif her di bin zor û zehmetiyê de ye. Di demên dawî de îlanên ji bo rojnameyê jî hatin birîn. Loma jî rojname ji aliyê aborî de jî ket nava zehmetiyan. Beşek alîgirên rojnameyê ji bo piştgiriyê şahiyek li dar dixe.

Şahiya piştgiriya ji bo rojnameya Evrenselê vê 11’ê mehê roja yekşemê saet 15.00’an de li Yahya Kemal Beyatli Gosteri Merkezi ya li Kuçukçekmeceya Stenbolê li dar dikeve.

Lîstikvan Kerem Firtina û danskar Zeynep Bafrali dê pêşkêşvaniya şahiyê bikin. Hunermend Zeynep Bakşi Karatag, danskarên ji Mercan Selçuk Dans Toplulugu, Apolas Lermi, Kezzo, Ruhi Su Dostlar Korosu, Mengene, Mehmet Atli, Mahmut Çinar “u Haluk Tolga İlhan dê derkevin şahiyê û hunera xwe pêşkêş bikin.

Li aliyê din wê rojê dê weşanxaneyên endamên Yaykoopê standê vekin û nivîskarên wan pirtûkan îmze bikin. Her wiha dê pêşangeha wêneyan jî bê vekirin. Di pêşangehê de wêneyên wênesazê îranî Termeh Yaghoubi, “27 sal 27 Evrensel” û karîkaturên xêzkar Sefer Selvi dê cih bigirin