Diyarname
Festîvala Belgefîlman a FîlmAmedê vê mehê wê li dar biketa, hat taloqkirin.

10'emîn Festîvala Belgefîlman FîlmAmed îsal di navbera 25-29'ê mehê de wê li dar biketa, lê amadekaran îro ragihandin ku lidarxistina festîval taloq kirine demeke din.

Festîval ji aliyê Şaredariya Kayapinar û OSAD'ê (Komeleya Akademîya Sînemayê ya Rojhilata Navîn) ve dihat organîzekirin. Amadekaran biryara talqokirina festîvalê ragihand û ev agahî da, "Di e pêvajoyê de ji bo kesên ku di demên cuda de, di şer û pevçûnan de canê xwe ji dest dane, li bajarên cuda şîn tên danîn. Bi  taybetî jÎ şîna ku li Amedê hat danîn veguherî hevdîtina civakî ya herî berireh a piştî serdema şer. Ev şîn bi tenê ne parveikirina êşa malbat û hezkirdiyan e, di heman demê de ji bo bîra hevpar a civakî û pêvajoya şîngirtina civakî bûye xwediyê girîngiyeke mezin. Ji ber ev şînê, li gor hesasiyetên civakî biryar da ku em festîvala xwe taloq bikin."

Komîteya amadekar a festîvalê ragihandiye ku di demek kurt de wê dema nû ya festîvalê ragihînin û belgefîlm û senaryoyên ji bo festîvalê hatibûn neqandin jî ragihandina wan taloq kirin.