Komeleya Mafên Mirovan (Rêveberên Navenda Giştî, rêveberên xaşa Culemêrg, Wan, Sêrt û Mêrdînê têde) û Mazlûmder (Rêveberên Navenda Giştî, rêveberên şaxa Culemêrg û Amedê têde) ji bo lêkolînkirina 35 gundiyên li gundê Roboskî ya Qilabana Şirnexê çûn ciyê bûyerê û di vegerê de pêşrapora xwe pêşkêşî raya giştî kirin. Haci Encu ku ji bûyerê bi saxî kariye bifilite ji bo wan wisa gotiye: "Leşkeran pêşî li me girt, balafiran bombe kir."

Vane ji pêşraporê hin not:
- Kesên hatine kuştin temenê wan di navbera 12-28'an de ne.
- Di bûyerê de sivîl hatine kuştin û birîndar kirin. Berî kuştinê bi tu awayî hişyariya BISEKNIN ji bo wan nehatiye kirin û sivîlan qet gule ber nedaye leşkeran, leşkeran jî gule bernedaye, di bûyerê de balafiran gule barandine û kuştin çêbûne.
- Hêzên leşkerî ku li cihê bûyerê bûne ev kesên sivîl nas dikirin û haya wan ji çûn û hatinan hebû.
- Me nedît lê şahidan got ku ev der her ji bo ticareta sînor tê bikaranîn û hêzên ewlehiyê jî têde her kesî bi vê derê dizanî.
- Daxuyaniyên fermî dibêje ku bûyer li Sinat-Haftanînê pêk hatiye lê cihê bûyerê ji vê herêma ku tê qalkirin gelek dûr e; ji kesên bombe bi ser wan de hatiye barîn komek ji wan aliyê Tirkiyeyê, komek din li aliyê Iraqê bûye.
- Piştî bûyerê saziyên fermî ji bo girtina cenazeyan neketine nav tevgerê û leşker bi temamî ji wir vekişiyane. Gundiyan bi derfetên xwe cenaze çûne anîne.
- Rewşa nexweşxaneyê û hejmara personelên nexweşxaneyê ji bo otopsiyê ne guncan e; hema bibêje personel nîn bûn, gel bi xwe cenaze anîne ambulansê.
- Delîlên di otopsiyê de bêne bi dest xistin ji ber van rewşan dibe ku ne li gor isûlê bin, her wiha dibe ku delîl bêne xirakirin jî.
- Heyeta me li nexweşxaneyê dît ku cesed şewitîne, hin jê organên wan ên hundir derketine derve, temamiya vicûdê bi awayê ku parçe bûbin xira bûne.
- Hatiye tesbîtkirin ku di bûyerê de muhîmateke hêza wê ya xirakirinê xurt e, di heman demê de di asta şewitandinê de ye hatiye bikaranîn.

*

Di vê navberê de li gelek bajaran çalakiyên şermezarkirina bûyerê li dar ketin.

Her wiha hate gotin ku cenaze dê roja 30'yê mehê bêne veşartin.