Diyarname
Haci Encu (19 salî) di dema kuştina 35 kesan de ew jî li wir bû. Encu tevî 2 kesan di dema bûyerê de reviya û karî bi saxî bifilite.
Enc u ji bo ÎHD û Mazlûmderê qÎte bi qîte qala bûyerê kir. Vaye ji devê Haci Encu qewimîna bûyerê û kuştina 35 kesan:
- Roja 28.12.2011'an, saet li dor 16.00'an em komek li dor 40-50 kesî ji bo mazût û xurekê bigirin em tevî qantiran ketin rê, derbasî aliyê Iraqê bûn. Bi taybetî me xeber neda qereqolê lê dizanin em diçin û tên. Armanca me ew bû ku mazot û şekir bînin. Her wiha dema em diçûn me dengê Balafirê Hewayê yê Bêajokar bihîst lê ji ber ku em her diçûn û dihatin me rêya xwe domand. Êvarê saet 19.00'an de me barê xwe bar kir û em ketin rê. Saet 21.00'an de em gihîştin ser sînor. Em gihîştin zozanê guhdê xwe, zozan tam li sînor e. Li wir pêşî guleyê ku ronî dike avêtin, paşê top-obus avêtin. Me barê xwe li wî aliyê sînor danî. Hema cih de balafir hatin û dest bi bombekirinê kirin. Em du kom bûn, di navbera koma li pêş û koma li paş li dor 300-400 metre cih hebû. Piştî topavêtina yekemîn cih de balafir hat. Ji ber ku leşkeran li zozanê rê girtibû ji bilî vî alî tu ciheke ku em biçin tune bû. Ji ber vê yekê em tengijîn û kom gihîştin hev. Di dawiyê de em bûn du komên mezin. Di bombekirina yekemîn de koma ku ji 20 kesî pêk dihat ku tam li ser sînor bû têk çû. Bi kuştina wan re em cih de bi paş ve rejiyan. Bombe bi ser yên ku li nav zinaran man de barandin. Koma ku ez jî di nav de bûm em 6 kes bûn, ji vê komê em 3 kes xilas bûn. Li ser me kincên me yên rojane hebûn, qet çek bi me re tune bû. Bûyer saetek filan dom kir. Kesek du kes tevî 3 qantiran ketin nav ava dereya biçûk. Piştî sekinîna saetekê me xwe da pala zinarekî. Me xeber ji hevalên xwe negirt. Saet li dor 23.00-23.30'yan ji ronahî û dengên ku dihatin me fêm kir ku gundî tên. Dema gundiyan feryad kir, leşkerên ku li zozanê rê girtibûn bi paş ve vekişiyan û zozan vala kirin. Ev gelek demek dirêj e em vî karî dikin. Du kes zewicandî bûn, yên din xwendekarên lîse û dibistana seretayî bûn. Hê kes ji bo îfadeyên min bigirin bangî min nekirine. Piştî bûyerê min qet leşker nedîtin."
***
Nûçeyên eleqedar:
- Gotinên li ser komkujiya Roboskiyê
- Selahattin Demirtaş: Komkujiyekî din li dîroka Tirkiyeyê hate zêdekirin
- Demîrtaş: Rabin bûyerê nalet bikin- Navên kesên ku hatine kuştin
- Balafiran gundî dan ber bombeyan: 35 kes kuştin