Diyarname

Nivîskar Rojbîn Perîşan piştî 30 salan ji Girtîgeha Jinan a Gebzeya Stenbola Tirkiyeyê hat berdan. Perîşan li ber deriyê girtîgehê go, “Jin û jiyan herî zêde azadiyê heq dikin.”

Rojbîn Perîşan dema hê 18 salîbû, di sala 1992’yan de hat girtin. DGM’ê (Dadgeha Ewlehiya Dewletê ya Tirkiyeyê) bi îdîaya “endamtiya rêxistinê” 30 sal cezayê hepsê lê birî. Perîşan ji wê rojê de li girtîgehên Riha, Sêwas, Midyad û herî dawî li ya Gebzeyê ma û îro hat berdan.

Endamên Tevgera Jinên Azad, MEBYA-DER, MA TUAY-DER’ê, endamên Dayikên Aştiyê û hin HDP’yiyan pêşwazî li wê kir.

Perîşan li girtîgehan dest bi nivîsê kir. Perîşan ku bi tirkî dinivîse bi çîrokên xwe di Pêşbaziya Huseyîn Çelebî û Pêşbaziya Îsmet Baycan de xelat girt. Heta niha ev pirtûkên wê derketine: "Saçlar ve Golgeler", "Bakir Sesli Kadinlar", "Gozyaşimin Agidiyi Seni Beklemek", "Topragin Şarkisi”, "Kirik Taşlar”.

Hin agahiyên din ên "30 Salan":

- Piştî 30 salan bi 6 pirtûkên kurdî ji girtîgehê derket

- 30 sal bûn girtî bû

- Piştî 30 salên girtîmayînê: Ez hê nizanim li bajar bigerim (Hevpeyvîn)

- Ji bîranên 30 salên girtîgehê: Bi aspirînê qansêr tedawî dikirin (Hevpeyvîn)

-