Diyarname
Û îro Xelata Nobelê ya Wêjeyê ya 2022'yan jî hat eşkere kirin: Nivîskara fransiz Annie Ernaux hêjayî xelatê hat dîtin.
Komîteya Nobelê piştî xelatên din îro jî xelata wêjeyê eşkere kir. Nivîskara fransiz Ernaux ji ber kokên bîrê, biyanîbûnê, astengiyên li pêşiya kolektîvîzmê bi dilpolayî derxistiye hêjayî xelatê hatiye dîtin.
Ernaux di nivîsên xwe de ji gelek aliyan ve li meseleyan nêriye.
ÎSTATÎSTÎKÊN LI SER NOBELA WÊJEYÊ
Xelatên Nobelê yekemîn car di sala 1901'ê de hatine dayîn. Heta niha 115 caran Xelata Wêjeyê hatiye belavkirin û 119 kesî ev xelat girtiye ku 4 jê dane 2 kesan. Heta niha herî zêde fransizan ev xelat girtiye ku 15 caran ev xelat çûye Fransayê. Paşê bi 11 caran Îngilistan û DYA tê. ALmanya û Swêdê her yekê 8 caran ev xelat girtiye. Li aliyê din heta niha 16 jinan ev xelat girtiye.
ANNIE ERNAUX KÎ YE?
Annie Ernaux roja 1'ê rezbera 1940'î li Lillebonnê hatiye dinê. Malbata wê malbateke karker bû. Zarokatiya wê li Normandiya derbas bûye.
Nivîskar Ernaux ku li ser wêjeyê perwerdehî dîtiye, demek dirêj mamostetiya wêjeyê kiriye.
Li ser meseleyên wekî çîn, zewac, azadiya jinê, cinsiyetî, kurtaj, nexweşî, extiyarî û mirin sekiniye. Heta niha gelek pirtûkên wê derketine û ji bo hin zimanan hatine wergerandin.
Li Tirkiyeyê weyanxaneya Canê hin pirtûkên wê bi navê "Seneler", "Boş Dolaplar", "Babamin Yeri", "Yalin Tutku" wergerandine tirkî. Dîsa hin weşanxaneyên din jî pirtûkên wê wergerandine tirkî.
***
Nûçeyên Eleqedar:
.jpg)
.jpg)
