Diyarname
20 rojnamegerên kurd ji 8'ê mehê serê sibê ve di bin çavan de ne. Va ne agahiyên nû:
- Rojnamegerên di bin çavan de Serdar Altan, Azîz Oruç û Omer Çelîk ligel parêzerên xwe peyam şandin û gotin, "Em rojnameger in û em dê her nûçeyan binivîsin."
- Dema binçavkirina rojnamegeran du roj dirêj kir. Wisa dixuye ku roja duşemê dê wan derxin ber dozger.
- Rêxistinên sivîl ên Amedê û partiyên siyasî çûn serdana DFG'ê (Komeleya Rojnamegeran a Dîcle Firatê) û piştgiriya xwe ya ji bo rojnamegeran anîn ziman. Wan xwest rojnameger bêne berdan.
- Polîsan di serdegirtina rojname û kompaniyên produksiyonê de dest danîbû ser amûrên wan jî.
- Serokê Komeleya Mafên Mirovan Ozturk Turkdogan çû serdana DFG'ê. Turkdogan got ku dixwazin di warê aborî de rojnamegeran ceza bikin û derfetên nûçeçêkirinê ji holê rakin. Desteserkerina amûrên wan ne hiqûqî ye.
Rojnamegerên di bin çavan de
Roja 8'ê mehê Hevserokê DFG'ê Serdar Altan, Midûra JINNEWS’ê Safiye Alagaş, edîtora JINNEWS’ê Gulşen Koçûk, edîtorên Ajansa Mezopotamyayê (MA) Azîz Orûç û Omer Çelîk, Midûrê Karên Nivîsan ê Rojnameya Xwebûnê Mehmet Alî Ertaş, nûçegîhanê Xwebûnê Zeynel Abîdîn Bûlût û rojnameger Lezgîn Akdenîz, Mehmet Şahîn, Suat Dogûhan, Ramazan Gecîken, Esmer Tûnç, Neşe Toprak, Mazlûm Dogan Guler, Elîf Ungur, Îbrahîm Koyuncû, Remziye Temel, Mehmet Yalçin, Abdurrahman Oncu û Kadîr Bayram li Amedê hatibûn binçavkirin.Feynaz Koçûk jî di çarçoveya heman lêpirsînê de li Gebzeyê hatibû binçavkirin.
**
Nûçeya Eleqedar:
- Li Amedê vê sibê gelek rojnameger hatin binçavkirin